Diyuturunumiyu 26:5 - Hanunuu

⁵ Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.

Diyuturunumiyu 26:5 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 24:4

Pag-atag kawu sa dinak-anan niku pag rugar, ag ati kawu pagpili babayi maasawa niku anak, ni Isaak, ginan sa kang manga katawuhan.”

Gimpuunan 25:20

Si Isaak 40 yi ka timpu sa kay nag-asawa sa kan Ribika, kay anak ni Bitwil usa ka Amuriyu taga Padan Aram. Si Ribika kay patar-ari ni Laban, Amuriyu diman.

Gimpuunan 27:41

Pagtimaan ni Isaw si Hakub dahil sa ipinakaun papalad niya ama sa kan Hakub. Magkun si Isaw sa kay sadili, “Arani yi mamatay si amang; nu tigbak yi siya, matyun niku kang patar-ari si Hakub.”

Gimpuunan 28:5

Bag-u pinaati ni Isaak si Hakub sa Padan Aram, sa rugar ni Laban kay anak ni Bitwil usa ka Amuriyu. Si Laban kay patar-ari ni Ribika kay ina nida ni Hakub ni Isaw.

Gimpuunan 31:20

Dinaya ni Hakub si Laban taga Aram, dahil balaw niya ipinaalam kay magginan.

Gimpuunan 31:24

Tunda katpung pag yabi, napakakit ti Diyus sa kan Laban taga Aram, sa panab-anan tagin-up. Magkun ti Diyus sa kanya, “Danga nimu pagbuwati daut si Hakub.”

Gimpuunan 31:40

Kaindaay kang kahamtangan: Nu sirang mag-agwanta aku sa init, ag nu sa yabi mag-agwanta aku sa ramig. Ag pirmi kurang kang turug.

Gimpuunan 43:12

Dubliha niyu kanyu dara kuwarta dahil kailangan niyu iuli ti ibinalik pag kuwarta sa kanyu manga saku. Barang nagsalan lang sida sitay.

Gimpuunan 45:11

Alagaan niku siya ati sa Gusin dahil may rumas-ug waya lima ka timpu taglun-us. Balaw niku gustu malun-usan siya hanggan kay magtal-anakan, una hanggan ti manga hayup niya.”

Gimpuunan 45:7

Dapat ipinauna aku Diyus atay hampay mairibri kamu ag masawad di ti kayamuan sa kanyu sitay sa kalibutan.

Gimpuunan 46:27

Kaibahan ti duwa ka anak ni Husi ipinanganak sa Ihiptu, 70 kay kabuuhan magtal-anakan ni Hakub sa kay nag-atag sa daga Ihiptu.

Gimpuunan 47:27

Nangulian ti manga Israilita sa Gusin sakup Ihiptu. Nagkaimaw sida ati daga ag nagyamu waya kanda lahi.

Gimpuunan 47:4

Nag-ataytag kami hampay atay dap kami pag mangulian dahil sa masyadu pag kalun-usan sa Kanaan, ag unman yi kami may mapasturan manga hayup nimi. Paghagadun duy nimi sa kanmu nu mahimu pasnui nimu kami mangulian sa Gusin.”

Pag-ighit 1:12

Dapat madi pagpakurianan sida, mag-amat di magyamu sida ag naglantap sa Ihiptu. Lalu gid nadala ti manga taga Ihiptu sa kanda.

Pag-ighit 1:5

Si Husi daan di ati sa Ihiptu. 70 ti tanan-tanan linahi ni Hakub katpung nag-atag siya sa Ihiptu.

Pag-ighit 1:7

dapat madali nagyamu kanda lahi. Dahil sa masyadu mayamu sida, nas-ub yi harus ti daga Ihiptu.

Husyas 12:12

“Naglayas si Hakub atabug sa Aram, nagsirbi siya ati bilang manug-alaga manga hayup para mapasa-kanya kay arasawan-un.

Husyas 12:13

Sa panab-anan ni purupita Muysis, ipinalwas niku kamu pag manga Israilita sa Ihiptu ag inalagaan.

Binwat 7:15

Nag-ati ngani sida ni Hakub hanggan kanta ginurang sa Ihiptu. Ati pag namatay si Hakub hanggan ti iba nita manga kaapu-apuhan.

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 26:4

“Pagkatapus, bul-un manughandug ti tabigun ginan sa kanyu bag-u ipauli sa atubangan harandugan Panginuun niyu Diyus.

Diyuturunumiyu 7:7

“Pinili kamu ag pagmahalun Panginuun balaw dahil mas mayamu kamu kaysa iba pag manga tawu, dahil kamu waya ngani ti pinakapira sa tanan.