Diyuturunumiyu 26:19 - Hanunuu

¹⁹ Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Diyuturunumiyu 26:19 Iomraidhean Croise

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Pag-ighit 19:5

Nu lubus niyu aku sundun ag tupadun kang kasunduan, piliun niku kamu sa tanan pag nasyun. Buwatun niku kamu kang mahalaga pag manga nasakupan. Kangku ti buu kalibutan,

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Hirimyas 13:11

Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Hirimyas 2:3

Kamu pag manga Israilita ipinablag para sa kangku. Ga kamu ti pinakaun-an burak ipinakaun sa kangku. Pinarusahan niku ti manga nag-unuunu sa kanyu, ag nidamhak sida. Aku, ti Panginuun, ti magsabi inda.’ ”

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Sipanyas 3:20

Hu, tipunun niku kamu sa ati pag sirang, ag pauliun sa kanyu nasyun. Parangalan niku kamu ag buwatun bantug sa buu kalibutan. Mangyari inda sa sirang paabundahun niku kanyu mayad pag kahamtangan. Makitan gid ngap niyu inda. Aku, ti Panginuun, ti magsabi inda.’ ”

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Diyuturunumiyu 27:1

Bag-u binilinan ni Muysis ti manga manugpanguna sa Israil pag manga tawu: “Sunda niyu inda tanan pag sugu ti pag-ipakaun niku sa kanyu kainda pag sirang.

Diyuturunumiyu 28:1

“Nu sundun niyu ti Panginuun niyu Diyus ag tupadun ti tanan niya sugu kang pag-ipakaun sa kanyu taynguna, buwatun niya kamu higit man sa tanan pag nasyun sitay sa kalibutan.

Diyuturunumiyu 28:13

Buwatun kamu Panginuun takinan manga nasyun, ag balaw tagasunud lang. Ungud, pirmi kamu sa tungud ag balaw sa sirung nu sundun niyu mayad ti manga sugu Panginuun niyu Diyus ti pag-ipakaun niku sa kanyu taynguna.

Diyuturunumiyu 28:9

Angay sa itinaratu Panginuun niyu Diyus sa kanyu, buwatun niya kamu kay pinili pag nasakupan, nu tupadun niyu kay manga sugu ag mangabuhi kamu angay sa kay palakaw.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.