Diyuturunumiyu 26:15 - Hanunuu

¹⁵ Bantayi nimu kami ginan sa kanmu banal pag ulian sa langit, ag papaladan nimu kanmu nasakupan manga Israilita hanggan ti marinu ag abunda pag daga kanmu ipinakaun sa kanmi angay sa kanmu itinaratu sa kanmi manga ginurang.’

Diyuturunumiyu 26:15 Iomraidhean Croise

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

1 Hari 8:43

patingihi sida asan sa kanmu ulian sa langit. Ag buwata una hintay ti hagadun nida, hampay ti tanan manga tawu sa kalibutan makakilala ag gumalang sa kanmu parihu sa kanmu nasakupan manga Israilita, ag hampay maalaman nida paggalangun kawu sa ipinatindug niku pag Balay Diyus.

2 Krunika 30:27

Pagkatapus, nagtindug ti manga manughandug ag ti manga Libita ag pinapaladan nida ti manga tawu. Ag pinatingihan inda Diyus sa langit, sa kay banal pag-ulian.

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Kanta 51:18

Diyus, papaladi ti Siun, ti banwa Hirusalim, dahil pag-ikabaya nimu buwatun inda. Patindugan maan kay manga alad batu tunda.

Kanta 68:5

Ti Diyus, mag-uli sa kay banal pag Balay, mag-alaga sa manga ulila ag manug-apin sa manga buranday babayi.

Kanta 80:14

Pagbalik yi duy kawu sa kanmi, Diyus Makamaskihan! Ginan sa langit, bantayi kami kaayad. Alalahana kami kanmu nasakupan

Kanta 80:15

parihu sa puun ubas kanmu itinanum sa panab-anan nimu kamaskihan. Alalahana kami kanmu manga anak kanmu pinarig-un para sa kanmu kadayawan.

Kanta 90:17

Panginuun nimi Diyus, mana papaladan nimu kami ag pakan-an kapanaluhan sa tanan nimi manga pagbuwatun.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Matiyu 6:9

Kainda kamu nu magdarangin magkun, ‘Kanmi Ama sa langit, mana dayawun manga tawu kanmu ngaran.

Binwat 7:49

‘Sinabi Panginuun, sa langit aku pag matukawan hampay maghari. Ti daga waydi tarat-an niku manga lulud. Kabitay waya pag kalasi balay kanyu mipatindug hampay kang ulian, aw ngatay kang paraharyan?

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 26:14

Balaw niku inda kinaun mintaras magpanrukuan aku; unman niku inda tinandug mintaras mauring aku; ag unman niku inda isinagda sa namatay. Ungud, Panginuun niku Diyus, sinunud niku kawu. Binwat niku ti tanan nimu pag-isugu sa kanmi.

Diyuturunumiyu 26:7

Naghagad awat kami sa Panginuun, ti Diyus nimi manga ginurang, ag pinatingihan niya kami. Nakitan niya kanmi kakurian, kanmi mag-agwanta, hanggan kanmi kaapihan.

Diyuturunumiyu 26:9

Dinara niya kami sa inda pag rugar, ipinakaun sa kanmi inda ti marinu ag abunda pag daga.

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.