Diyuturunumiyu 26:14 - Hanunuu

¹⁴ Balaw niku inda kinaun mintaras magpanrukuan aku; unman niku inda tinandug mintaras mauring aku; ag unman niku inda isinagda sa namatay. Ungud, Panginuun niku Diyus, sinunud niku kawu. Binwat niku ti tanan nimu pag-isugu sa kanmi.

Diyuturunumiyu 26:14 Iomraidhean Croise

Kanta 106:28

Isinagda nida kanda sadili sa diyus-diyusan si Baal imaw ti ati sa Bantud Piyur ag nagkaun sida manga handug ihinandug sa manga namatay.

Kanta 18:22

Pagtupadun niku ti tanan nimu sugu ag balaw niku paglabagun kanmu manga surundanun.

Hirimyas 16:7

Unman may mangayaw karan-unun ngatay irinmun hampay pasulungun ti manga magpanruku, una waya ama ngatay ina ti namatay.

Isikil 24:17

Mahimu lang kawu umarup aba dapat danga pagpakakitan magkaruku kawu. Danga paglukasa kanmu taung hanggan lapak. Danga pagtabuni kanmu uyahun. Danga diman kawu magkaun karan-unun pagkan-un manga magpanruku sa namatay.”

Husyas 9:4

Balaw yi kamu pasnuan maghandug intus sa Panginuun. Kanyu manga handug unman makapasulung sa kanya. Una si unu ti kumaun inda pag manga handug ipaparihu sa mauring, dahil tunda parihu lang sa karan-unun sa balay namatyan. Kanyu manga karan-unun para lang sa kanyu sadili; balaw inda mahimu maisagda sa Balay Panginuun.

Libitiku 21:1

Sinugu Panginuun si Muysis hampay sabihun inda sa manga manughandug lahi ni Aarun: Danga pag-uringi kanyu sadili sa panab-anan pagpakarani ngatay pag-igpil sa bangkay tawu,

Libitiku 21:11

Kailangan balaw niya mayagtingan kay sadili sa panab-anan pagpakarani sa namatay, una waya kay ama inda aw ngatay kay ina.

Libitiku 7:20

Dapat una si unu ti balaw malumpiyu nu kumaun tunda pag handug taguban para sa Panginuun, tunda pag tawu danga yi pagkilalan-a nasakupan niyu.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 15:5

Tunda nu tupadun niyu ti Panginuun niyu Diyus ag sundun mayad ti tanan sugu pag-ipakaun niku sa kanyu kainda.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 26:13

Bag-u sumabi kamu sa atubangan Panginuun niyu Diyus: ‘Bin-ul yi niku sa kang balay ti banal pag bahagi, ti ikasampulu, ag ipinakaun sa manga Libita, sa manga balaw Israilita, sa manga ilu, hanggan sa manga buranday babayi angay sa tanan nimu pag-isugu sa kanmi. Unman aku naglabag ngatay nalimut sa una di usa sa kanmu manga sugu.

Diyuturunumiyu 26:15

Bantayi nimu kami ginan sa kanmu banal pag ulian sa langit, ag papaladan nimu kanmu nasakupan manga Israilita hanggan ti marinu ag abunda pag daga kanmu ipinakaun sa kanmi angay sa kanmu itinaratu sa kanmi manga ginurang.’