Diyuturunumiyu 25:19 - Hanunuu

¹⁹ Nakan rurisa gid niyu ti tanan Amalikita nu pakan-an yi kamu Panginuun niyu Diyus kahusayan sa tanan niyu manga kalaban ati sa pag-ipakaun niya sa kanyu pag daga, kanyu apuun. Danga gid niyu inda pag kalimti.

Diyuturunumiyu 25:19 Iomraidhean Croise

1 Krunika 4:43

Minatay nida ati ti nasawad pag manga Amalikita, ag ati sida nangulian tugka kainda.

Istir 3:1

Siyun ginan pag manga nangyari, inabwat ni Hari Aswiru ti katungkulan ni Haman kay anak ni Hamidata usa ka Agagiyu. Binwat siya pinagkatakinan sa kay kaharian.

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Pag-ighit 17:14

Pagkatapus, magkun ti Panginuun sa kan Muysis, “Isurat duy nimu inda hampay balaw malimtan ag ipaalam nimu sa kan Huswi kanmu isinurat: Tabuhun gid niku ti lahi manga Amalikita.”

Pag-ighit 17:16

Magkun siya, “Dahil sa ipinaabwat manga Amalikita kanda manga kamang laban sa tukawan Panginuun, parargu lumaban sa manga Amalikita ti Panginuun hanggan aban.”

Pag-ighit 33:14

Sinmagut ti Panginuun, “Aku gid ngap ti kumuyug sa kanmu, ag pakan-an niku kawu kahusayan.”

Diyuturunumiyu 12:9

nu rumas-ug yi kamu sa rugar nu naan kamu pag makapahari. Inda pag daga pag-ipakaun Panginuun niyu Diyus sa kanyu bilang mana niyu.

Diyuturunumiyu 21:23

kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.

Diyuturunumiyu 26:1

“Nu maapu yi niyu ti pag-ipakaun Panginuun niyu Diyus pag daga sa kanyu bilang maranahun niyu, ag ati yi kamu pag mag-uli,

Diyuturunumiyu 3:18

“Ati katpung kaybi, sinugu niku ti manga lahi niyu mag-uli sa butlakan Hurdan, ‘Una ipinakaun Panginuun niyu Diyus inda pag daga hampay apuun niyu, kailangan dumipay di ti tanan sundalu niyu armasin sa Sapa Hurdan ag alistu manguna sa kanyu manga kaparihu Israilita sa girahan.

Diyuturunumiyu 9:14

Pabay-ani nimu aku kang rurisun sida hampay balaw yi sida maalala waya. Bag-u buwatun niku kawu usa ka nasyun mas makapangyarihan ag mas mayamu waya kaysa kanda.’

Huswi 11:23

Nakan sinakup ni Huswi ti buu daga, angay sa isinugu Panginuun sa kan Muysis. Ipinakaun inda ni Huswi sa manga Israilita bilang kanda maranahun, ag hinuray nida inda angay sa kada lahi nida. Tunda ginan, inmapas yi ti girahan sa tunda pag daga.

Huswi 23:1

Sa kadugayun, pinakan-an Panginuun kaariwayahan ti Israil sa kanda manga kalaban sa sangput. Gurangun yi gid si Huswi,

Huswi 6:3

Kawu hanggan ti tanan nimu sundalu manpalibut sa banwa usa ka bisis kada sirang, sa sulud unum ka sirang.

Huswi 7:12

Imaw inda kay dahilan nu hayga unman sida makalaban sa kanda manga kalaban. Nalagiw sida sa kanda manga kalaban, dahil sida mismu rurisun diman bilang handug buu sa kangku. Unman yi aku mangiba sa kanyu nu balaw niyu rurisun ti manga bagay ihinandug yi buu sa kangku.

1 Samwil 14:48

Buu kabisugan siya nanlaban ag natalu niya ti manga Amalikita. Sa panab-anan tunda, irinibri niya ti manga Israilita sa kamang manga maggira sa kanda hanggan sa manga magbuul sa kanda manga kasiyunan.

1 Samwil 27:8

Ati katpung ginira ni Dabid hanggan niya manga tawuhan ti manga Gisuriyu, Gisrita ag Amalikita. Ginan di waya kaybi inda pag manga tawu mag-ulian yi sa rugar arani sa may Sur atabug sa may Ihiptu.