Diyuturunumiyu 24:20 - Hanunuu

²⁰ Nu magputi kamu kanyu manga ulibu, danga yi niyu pagbaliki ti nasawad. Tayaki lang sa manga balaw Israilita ag sa manga ilu, hanggan sa manga buranday pag babayi.

Diyuturunumiyu 24:20 Iomraidhean Croise

Libitiku 19:10

Katunda diman sa taranuman manga ubas, danga yi niyu pagbaliki ti manga nasawad pag burak ngatay ti manga naragdag. Pabay-ani yi lang niyu tunda para sa manga pugri hanggan sa manga balaw Israilita mag-ulian kaibahan niyu. Aku ti Panginuun kanyu Diyus.

Libitiku 19:9

Nu mag-ani kamu danga niyu pagtabuha ti manga sa saruy niyu tanman, ag danga yi niyu pagsagrawa kanyu nag-anihan.

Diyuturunumiyu 24:19

“Nu mag-ani kamu ag may nasawad kamu pira ka bugkus sa tanman, danga yi niyu pagbaliki ag pagbul-a. Tayaki lang inda sa manga balaw Israilita ag sa manga ilu, hanggan sa manga buranday pag babayi, hampay papaladan kamu Panginuun niyu Diyus sa tanan niyu buruwatun.

Diyuturunumiyu 24:21

Nu magputi kamu sa kanyu manga ubas, danga yi niyu pagbaliki ti manga nasawad. Tayaki lang inda sa manga balaw Israilita ag sa manga ilu, hanggan sa manga buranday pag babayi.