Diyuturunumiyu 24:17 - Hanunuu

¹⁷ “Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 24:17 Iomraidhean Croise

Hub 22:6

Pagbul-un nimu ti rutay nimu kaparihu bilang pilinda sa kay utang sa kanmu.

Hub 24:3

Pagtakawun nida ti asnu manga ilu, ag pagbul-un nida pilinda sa utang ti baka pag-alagaan babayi buranday.

Pag-ighit 22:20

“Una si unu ti manhandug sa tuhay pag diyus purya sa kangku kailangan matyun.

Pag-ighit 23:2

“Danga kamu magpausa sa kayamuan sa magbuwat kadautan. Nu mangastigus kamu sa usa ka kasu danga pag likua ti katadlungan hampay lang masunud ti pagsabihun kayamuan.

Pag-ighit 23:6

“Pihua niyu mapakan-an katadlungan ti kasu manga makuri.

Pag-ighit 23:9

“Danga niyu pagpakahigpiti ti manga day-uhan, dahil kamu hanggan nakalakaw day-uhan katpung kamu ati sa Ihiptu waya.

Kabagawan 31:5

Dahil nu malangu yi sida, magkalimut sida sa manga kasuguan, ag paglapastanganun nida ti karampatan manga pugri.

Manugtudlu 5:8

Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 3:15

Hayga kanyu pag-ihidun kang manga nasakupan ag paggipitun ti manga makuri?” Tunda ngani ti pagsabihun Panginuun Diyus Makamaskihan.

Isayas 33:15

Ti makapadugay tunda lang pag manga tawu magkabuhi matadlung ag balaw magpudil. Balaw maramuun sa kuwarta aw ngatay magtanggap pabagsak. Balaw sida magpausa sa manugmatay tawu ag balaw magbuwat iba waya pag manga daut buruwatun.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Isikil 22:29

Ti manga tawu maramuun sa kuwarta ag magtakaw. Pag-apihun nida ti manga pugri ag ti manga balaw Israilita mag-uli kaibahan nida. Unman nida sida pagpakan-an katadlungan.

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Libitiku 19:33

Danga niyu pag-apiha ti manga day-uhan mag-ulian asan sa kanyu.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Sakaryas 7:10

Danga niyu pag-apiha ti manga buranday babayi, manga ilu, manga pugri, ag ti manga day-uhan magpangulian kaibahan niyu. Danga kamu gayak daut laban sa kanyu kaparihu.’

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Lukas 3:14

Pinaingana siya manga sundalu magkun, “Ag kami, hintay ti dapat nimu buwatun?” Magkun si Huwan sa kanda, “Danga magbuul tawu kuwarta sa karagasyun, danga magparhug sa tawu. Pagmasulung kamu sa kanyu suhul kang-ud.”

Diyuturunumiyu 1:17

Kailangan unman kamu may baliwahan sa kanyu magsintinsiya; parihu niyu patingihan ti manga makuri hanggan ti mayaman. Danga kamu magkadala una sa kantapu, dahil ginan di sa Diyus ti manga pasya niyu pagbuwatun. Nu makuri sa kanyu ti kasu, daran-a niyu sa kangku bag-u aku yi ti bahala sumintinsiya.’

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 24:18

Isipun niyu manga suruguun kamu kaybi sa Ihiptu ag irinibri kamu Panginuun niyu Diyus. Tunda ngani kay dahilan nu hayga pagsuguun niku kamu buwata inda.

Diyuturunumiyu 24:6

“Danga nimu pag bul-a pilinda sa utang ti galingan nag-utang sa kanmu, dahil ga binul-an nimu siya kay karabuhian.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”

Santiyagu 2:6

Dapat unman ngap paggalangun niyu ti manga pugri. Unman aw ti mayaman ti mag-unuunu ngapu sa kanyu, magpangarudkud sa kanyu atag sa talaghusay?