Diyuturunumiyu 24:15 - Hanunuu

¹⁵ Bayadi siya sa sinirang pag upahan sa unman waya mag-isangday ti init dahil pugri siya ag magsarig siya sa kay kabaydanan. Dahil nu unman, barang mandangup siya sa Panginuun laban sa kanmu, ag isipun inda kanmu kasalanan.

Diyuturunumiyu 24:15 Iomraidhean Croise

Hub 31:13

“Nu ud pinahalgaan niku ti karampatan niku manga panawuhun katpung nagriklamu sida sa kangku,

Hub 31:38

“Nu pinangaghasan niku kang daga ngatay linamin niku inda sa iba,

Hub 34:28

Pag-apihun nida ti manga pugri, ag nasaydan Diyus kanda maghagad awat.

Hub 35:9

“Ti manga pag-apihun maghagad awat hampay iribri sida sa kamang manga makapangyarihan pag manga tawu.

Hub 7:2

ngatay ga usa ka panawuhun mag-alagad malambung hampay makapahari yi, ngatay parihu diman sa usa ka manugtarabahu mag-alagad kay kaupahan.

Kanta 24:4

Ti tawu may malumpiyu manga buwat ag kaisipan, balaw magsamba sa manga diyus-diyusan, ag balaw magsumpa sa kapudilan.

Kanta 25:1

Panginuun niku Diyus, magdarangin aku ag magsarig sa kanmu. Danga pahintulutan nimu mangay-a aku ag kasarin-an niku manga kalaban dahil natalu aku.

Kanta 86:4

Panginuun, pasulunga aku, kanmu manugsirbi dahil sa kanmu aku magdarangin.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Hirimyas 22:13

Kaawaawa gid kawu Hihuyakim, nagbungsud kawu kanmu balay hari sa panab-anan daut pag paraan. Pinatarabahu nimu kanmu kaparihu una unman may upa.

Libitiku 19:13

Danga niyu pagdayaa aw ngatay pagtakawi kanyu kaparihu. Danga yi niyu pagpaaldawan ti pagpakaun upa sa tawu pinatarabahu niyu.

Libitiku 25:35

Nu nagkuri ti kaparihu niyu Israilita bag-u udyi siya makakaya buhiun kay sadili, awati niyu siya parihu sa pag-awat niyu sa manga balaw Israilita nagpirmaminti nangulian minsan sa kanyu aw ngatay nanday-u lang, hampay makaparargu siya mangulian minsan sa kanyu.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 20:8

“Pagka malambung yi, magsabi ti may puun ubasan sa kay ingkargadu, ‘Pasitaya nimu ti manga nagtarabahu, pakan-an nimu sida kanda upa. Pakan-an dap nimu ti manga nauryan bag-u ti manga un-an.’

Markus 10:19

Alam yi nimu ti Kasuguan magkun, ‘Danga kawu maglibun sa kanmu kaparihu, danga kawu magpanguragin, danga kawu magtakaw, danga kawu magpudil sa kanmu magkastigus, danga kawu magdaya. Galanga nimu kanmu ama kanmu ina.’ ”

Diyuturunumiyu 15:9

Danga kamu mag-isip daut, kuntay arani yi ti ikapitu pag timpu, ti timpu nu naan pag patawadun yi ti manga utang, balaw yi lang kamu manpautang sa kanyu kasimanwa pugri. Nu manhagad awat inda pag pugri tawu sa Panginuun dahil sa kanyu binuwat, may saragtun kamu.

1 Timutiyu 5:18

Kainda ti pagsabihun Banal Kasuratan magkun, “Danga pagpungta kay bibig baka sa kay maggiuk.” Nisurat diman waydi magkun, “Ti manugtarabahu kailangan pakan-an diman kay kaupahan.”

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.