Diyuturunumiyu 24:14 - Hanunuu

¹⁴ “Danga kamu maglugi sa pugri pag manugtarabahu, Israilita man siya ngatay day-uhan mag-uli sa kanyu banwa.

Diyuturunumiyu 24:14 Iomraidhean Croise

Kabagawan 14:31

Ti mag-api sa pugri mag-alukayu sa Diyus imaw ti naglalang sa kanda, dapat ti magkaawa sa pugri pag-ipaabwat ti Diyus.

Kabagawan 22:16

Ti mag-ayaw sa mayaman ngatay mag-api sa pugri hampay yumaman miuli gid sa kapugrihan.

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Libitiku 19:13

Danga niyu pagdayaa aw ngatay pagtakawi kanyu kaparihu. Danga yi niyu pagpaaldawan ti pagpakaun upa sa tawu pinatarabahu niyu.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Amus 8:4

Patingihi niyu inda, kamu pag mag-api sa manga pugri ag maggayak rurisun sida.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Lukas 10:7

Pagsiyun dapu kamu sa balay tunda, pagkaun pag-inum una hintay kanda ihayin sa kanyu, dahil kailangan suhulan ti manugbuwat. Danga kamu pahalin-halin sa usa ka balay tag sa usa ka balay.

Diyuturunumiyu 15:7

“Nu may imaw gid waydi pugri sa kanyu manga banwa, sa daga pag-ipakaun Panginuun niyu Diyus sa kanyu, danga kamu makasadili sa kanda.

1 Timutiyu 5:18

Kainda ti pagsabihun Banal Kasuratan magkun, “Danga pagpungta kay bibig baka sa kay maggiuk.” Nisurat diman waydi magkun, “Ti manugtarabahu kailangan pakan-an diman kay kaupahan.”