Diyuturunumiyu 23:6 - Hanunuu

⁶ Habang buhi waya kamu, danga gid kamu mag-awat sa manga Amunita ngatay Muabita una sa hintay pag paraan.

Diyuturunumiyu 23:6 Iomraidhean Croise

2 Samwil 12:31

Binwat niya suruguun ti manga mag-ulian ati ag pinilit sida ipinatarabahu gamit ti lagari, ti piku hanggan ti wasay, bag-u ipinabwat diman sida manga daga pinaganit. Tunda ngani kay binwat ni Dabid sa manga mag-ulian sa tanan banwa manga Amunita. Pagkatapus, nuli yi si Dabid hanggan ti tanan niya manga sundalu sa Hirusalim.

2 Samwil 16:12

Barang makitan Panginuun kang magkakurian, ag balusan niya kaayadan kang magkalakawan kakurian taynguna.”

2 Samwil 8:2

Natalu diman ni Dabid ti manga Muabita. Pinahuway niya sida sa daga mahanayan ag sinukat sa panab-anan lubid. Ti manga niminsan sa sukat duwa ka lubid pinanmatay, ti manga niminsan sa ikatlu pag lubid pinabay-anan mabuhi. Ti manga pinabay-anan mabuhi pag manga Muabita napasakup sa kan Dabid ag namayad buhis.

Isra 9:12

Nagsabi diman ti manga purupita sa kanmi danga gid kami mag-asawa sa kanda, danga gid kami mag-awat sa kanda agud umalwan sida, hampay kami rumig-un ag umalwan, hampay ti kaalwanan pumirmaminti inda sa manga linahi nimi hanggan aban.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Mikas 6:5

Manga nasakupan niku, alalahana diman niyu sinugu ni Hari Balak taga Muab si Balaam kay anak ni Biyur kuntay saadi kamu. Dapat pinabagaw niku si Balaam manga papalad sa kanyu. Alalahana diman niyu nu kabitay niku kamu inawatan katpung sa kanyu maglakaw ginan sa Sitim tugka sa Gilgal. Alalahana niyu inda pag manga nangyari hampay maalaman niyu kuntay irinibri niku kamu.”

Bilang 24:10

Dahil siyun, masyadu gid kay pangagalit ni Balak sa kan Balaam. Sinmuntuk siya sa kay dalukap ag magkun, “Ipinatawag niku kawu hampay saadan kang manga kalaban, dapat pinapaladan waya ngap nimu sida katlu ginan.

Diyuturunumiyu 7:8

Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.