Diyuturunumiyu 23:18 - Hanunuu

¹⁸ Danga gid niyu pagdaraha sa Balay Panginuun niyu Diyus ti natanggap niyu pag kuwarta ginan sa tunda pag paraan hampay ibayad sa kanyu taratu sa Panginuun niyu Diyus, dahil pagkadat-an gid niya tunda.

Diyuturunumiyu 23:18 Iomraidhean Croise

1 Hari 14:24

Bukud waya siyun, may manga lalaki hanggan manga babayi baraydan sa rugar nida pagsambahan. Ti nasakupan Huda nagbuwat tanan mayagting pag manga bagay tunda ti pagbuwatun kaybi manga nasyun ipinalayas Panginuun sa panab-anan manga Israilita.

Kanta 22:16

Pinalibutan aku kaban daut pag manga tawu parihu sa manga idu. Binuslutan nida kang manga kamang hanggan manga lulud.

Kabagawan 26:11

Nu kabitay pagbalikan idu kay suka, pag-ulitun diman unman may intindi pag tawu kay pagkakurang-kurang.

Isayas 61:8

“Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Isikil 16:33

Magpabayad ti manga babayi magpabili kanda bilug, dapat kawu inda imaw waya ti magpakaun pamakaun sa kanmu manga katagbu hampay magarya nimu sida pumakarani sa kanmu sa pag-ululidan.

Libitiku 18:22

Danga kawu mag-ulid sa kanmu kaparihu lalaki, dahil mayagting inda.

Libitiku 19:29

Danga niyu pagpakay-aha kanyu manga anak babayi sa pagpilit sa kanda kuntay ipabili nida kanda sadili pagkababayi, dahil lumantap ti kahalayan ag mapnu kadautan kanyu rugar.

Libitiku 20:13

Nu ti usa ka lalaki mangulid sa kay kaparihu lalaki, sida duwa kailangan matyun dahil mahalay kanda binwat. Sida di waydi kay dahilan nida kamatayan.

Libitiku 7:16

Dapat nu ti handug para sa mayad pag pakiusa ihandug niya bilang handug pagtupad sa taratu ngatay buluntad pag handug, ti taguban mahimu kan-un sa tunda pag sirang ag kay masawad mahimu waya kan-un sa aldaw pag sirang.

Mikas 1:7

Magkararunut ti tanan histuda diyus-diyusan manga taga Samarya, ag magkarairub ti tanan ibinayad manga lalaki sa kanda naggamit manga babayi baraydan sa balay nida diyus. Nakatipun ti Samarya manga histuda diyus-diyusan sa panab-anan nida manga ibinayad sa manga babayi baraydan sa kanda balay diyus, nakan bul-un nida manga kalaban ti pilak hanggan ti gintu ipinahaklup sa manga diyus-diyusan hampay gamitun waydi nida manga kalaban pamayad sa manga babayi baraydan sa kanda balay diyus.”

Habakuk 1:13

Dahil matadlung kawu, unman kawu makaagwanta bumantay sa kadautan ag kaguluhan. Dapat hayga pinabay-anan lang nimu ti manga maradaya pag taga Babilunya? Hayga nimu pagpahintulutan pakurianan ti manga tawu balaw ga kanda kay ka daut?

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Matiyu 7:6

“Danga niyu ipakaun sa manga idu ti manga bagay ibinukud para sa Diyus. Danga waydi niyu iyamut tag sa manga babuy kanyu manga bulawan, dahil tatatataan lang nida bag-u pabalikan kamu banahutun sa kagat.”

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.

Diyuturunumiyu 22:21

darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Diyuturunumiyu 23:21

“Nu manaratu kamu sa Panginuun niyu Diyus, danga pagpadugaya sa pagtupad, dahil pihu gid suktun kamu Panginuun niyu Diyus, ag magkasala kamu sa balaw niyu pagtupad.

Pilipus 3:2

Pag-aman kamu sa manga tawu magbuwat daut, kanda ugali ga idu. Amanan niyu tunda pag manga tawu imaw tig biyag sa bilug.

2 Pidru 2:22

Nu katida mitama sa kanda ti pagsabihun magkun, “Ga ugali yi waydi idu magbalik yi maan sa kay suka. Una ti babuy madi pinarigus yi, magbalik yi maan sa kay lubganan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.