Diyuturunumiyu 22:8 - Hanunuu

⁸ “Nu mamatindug kamu balay, kailangan paulian niyu alad ti sangput maratag pag atup, hampay balaw kamu may saragtun nu may malagpak ginan sa kanyu atup ag mamatay.

Diyuturunumiyu 22:8 Iomraidhean Croise

2 Samwil 11:2

Magkamalambung yi tunda katpung, binmangun si Dabid ag nanlakaw-lakaw sa babaw atup balay hari. Habang magbantay siya tag sa sirung, may nakitan siya usa ka marinu pag babayi magparigus.

Pag-ighit 22:6

“Nu may nanutud ag nanlamay ti apuy sa marikut tugka sa taranuman iba tawu, kailangan bayadan nanutud ti manga tanum nadaut.

Isayas 22:1

Inda ti pagsabihun tungkul sa luung pangakakitun. Hintay ti magpangyari? Hayga kamu magdayik sa manga atup?

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Isikil 3:18

Nu sumabi aku ti usa ka daut pag tawu mamatay, ag unman nimu siya pinaandaman kuntay pagsisi sa kay daut pag buruwatun hampay maribri siya, mamatay ati pag daut tawu dahil sa kay kasalanan, dapat suktun niku kawu sa kay pagkamatay.

Isikil 3:20

Nu ti matadlung pag tawu pumatlikud sa matadlung pag buhi ag nagpakadaut, pabay-anan niku siya mamatay. Nu unman nimu siya pinaandaman, mamatay siya dahil sa kay kasalanan, ag balaw niku alalahanun ti mayad pag manga binwat niya. Dapat sagtun nimu kay pagkamatay.

Matiyu 10:27

Ti kang pagsabihun sa kanyu sa madulum, itultul maan niyu sa marayaw. Ti iyinanas sa kanyu kailangan kanyu maan ipahayag hampay mag-adnugan tanan tawu.

Markus 2:4

Pagka unman sida makapakarani sa kan Hisus dahil sa kayamuan tawu, linukaban nida ti atup sa kay tungud ni Hisus. Pagka linukaban yi bag-u kanda itinuntun ti tawu lunu sa basad duyan.

Binwat 10:9

Pagka sa usa ka sirang maglakaw waya tunda pag manga sinugu ni Kurnilyu sa dalan atag sa banwa Hupi. Ati katpung dinmayik si Pidru atag sa atup balay hampay mandarangin. Pagka magkakaraw-an yi sirang,

Ruma 14:13

Danga yi pihua nita ti kada usa kay daut kay mayad. Bagkus ngap ialistu nita kanta pag-iisip sa danga kita magbuwat karadayaanun nita patar-ari tag sa kasalanan.

1 Kurintu 10:32

Danga ipakakit niyu sa manga Hudiyu una sa manga balaw Hudiyu una hanggan sa iglisya Diyus ti sa ikasimray nida isip.

Diyuturunumiyu 22:7

Mahimu niyu bul-un kay manga pispis ngatay itlug, dapat kailangan palpasan niyu kay ina, hampay mayad kanyu kahamtangan ag mangabuhi kamu dugay.

Diyuturunumiyu 22:9

“Danga kamu magtanum iba binhi sa taranuman ubas. Nu buwatun niyu inda, para yi sa Balay Diyus ti burak niyu itinanum hanggan ti burak niyu tanum ubas.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

1 Tisalunika 5:22

Pagpakarayu kamu sa una hintay pag kalasi kadautan.

1 Samwil 9:25

Pagka sida naglus-ug yi ginan sa kanda simbahan sa abwat pag rugar atabug sa banwa, inalistu nida kan Saul igyaan sa babaw atup sa kan Samwil pag dayunan pag balay.