Diyuturunumiyu 22:21 - Hanunuu

²¹ darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Diyuturunumiyu 22:21 Iomraidhean Croise

Gimpuunan 34:7

Igu naalaman manga anak ni Hakub ti nangyari, rargu sida nuli ginan sa tanman. Daut gid kanda buut ag subra gid magkagalit sa kan Sikim dahil sa kay binwat balaw gid dapat buwatun, imaw ti nagdara kakay-ahan sa magtal-anakan ni Hakub.

Gimpuunan 38:24

Nakalawuy ti tulu ka bulan, nabaritaan ni Huda kay umagad si Tamar nanpabili kay bilug ag namuduy inda. Nakan magkun si Huda, “Daraha niyu siya sa luwas banwa ag sunuga.”

Libitiku 19:29

Danga niyu pagpakay-aha kanyu manga anak babayi sa pagpilit sa kanda kuntay ipabili nida kanda sadili pagkababayi, dahil lumantap ti kahalayan ag mapnu kadautan kanyu rugar.

Libitiku 20:2

kuntay sabiha inda sa manga Israilita: Una si unu sa kanyu hanggan sa manga day-uhan mag-ulian kaibahan niyu ti manhandug kay anak sa diyus-diyusan si Muluk, kailangan bintukun banwa tugka sa mamatay.

Libitiku 21:9

Nu kamu may anak babayi magpakay-a sa kanyu dahil sa magpabili siya kay bilug, dahil siyun pagkilalan-un siya mayagting, kailangan sunugun siya.

Libitiku 24:23

Igu nasabi inda ni Muysis sa manga Israilita, dinara nida ti tawu nagpuya sa Diyus tabug sa luwas kampu ag binintuk, angay sa sugu Panginuun sa kan Muysis.

1 Kurintu 5:13

Diyus lang ti makapihu sa kanda. Dapat unman aw kamu tigpihu sa manga sa sulud nu daut nu mayad? Dahil pagsabihun sa Banal Kasuratan, “Kailangan ipalwas yi ngani niyu ginan sa kanyu ti daut pag tawu.”

Diyuturunumiyu 13:10

Bintuka siya tugka sa mamatay dahil ginayak niya ipakarayu kawu sa Panginuun nimu Diyus, ti nagpalwas sa kanmu sa Ihiptu nu naan kamu pag binwat panawuhun.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 13:6

“Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Diyuturunumiyu 17:5

daraha niyu sa sabian niyu banwa inda pag tawu ti nagbuwat daut ag bintukun tugka sa mamatay.

Diyuturunumiyu 17:7

Ti manga kastigus imaw ti un-an bumintuk sa kanya, bag-u di ti tanan tawu umawat. Kailangan niyu duraun inda pag kadautan sa kanyu.

Diyuturunumiyu 19:19

kailangan parusahan siya parusa para mana sa namangdan. Kailangan duraun niyu inda pag kadautan sa kanyu.

Diyuturunumiyu 21:21

Kailangan bintukun siya tanan mag-uli sa banwa tugka sa mamatay. Kailangan duraun niyu inda pag kadautan sa kanyu. Nu maalaman inda tanan manga taga Israil, madala sida.

Diyuturunumiyu 22:22

“Nu ti usa ka tawu natakdan mag-ulid sa babayi may asawa, sida duwa-duwa kailangan matyun. Kailangan duraun niyu inda pag kadautan sa Israil.

Diyuturunumiyu 22:24

darahun niyu sida duwa sa puwirtahan banwa ag bintukun tugka sa mamatay. Matyun ti babayi dahil una ati siya sa banwa unman siya nanringgit hampay manhagad awat. Matyun diman ti lalaki dahil nangulid siya sa babayi itinagka yi ikasal. Kailangan duraun niyu inda pag kadautan sa kanyu.

Talaghusay 19:23

Nagsagut ti gurangun, “Manga kakilala, bisita niku inda pag tawu, nakan danga niyu pagbuwata inda pag mayagting ag makakaray-a pag bagay.

Talaghusay 20:10

Ti ikasampulu pag bahagi tanan lalaki sa kada lahi imaw ti man-asikasu sa karan-unun manga sundalu. Ti nasawad imaw ti manbalus sa taga Gibiya dahil sa makakaray-a pag binwat nida sa Israil.”

Talaghusay 20:5

Igu yabi yi, ti dinayunan nimi pag balay pinalibutan manga lalaki taga Gibiya. Matyun mana nida aku; dapat maaw, linugus nida kang asawa tugka sa namatay siya.

Talaghusay 20:6

Nakan dinara niku pauli kay bangkay ag pinamulud-pulud ag ipinadara sa 12 ka linahi Israil, dahil masyadu daut ag makakaray-a kanda binwat sitay sa Israil.