Diyuturunumiyu 22:1 - Hanunuu

¹ “Nu makitan niyu nakakalpas ti baka ngatay karanidu niyu kaparihu, danga niyu inda pagpabay-ani, bagkus ngap darahun niyu inda sa kay apu.

Diyuturunumiyu 22:1 Iomraidhean Croise

Kabagawan 24:11

Danga kawu magpabaya sa pagribri sa manga tawu unman may kasalanan pag sintinsiyahan kamatayan.

Kabagawan 27:10

Danga pagkalimti kanmu kakilala, ngatay ti kakilala nimu ama. Ag nu sa kakurian kawu, balaw yi kawu manhagad awat sa kanmu patar-ari ati sa arayu. Ti arani pag kamalay mas mayad waya kaysa arayu pag patar-ari.

Kabagawan 28:27

Ti tawu marapakaun sa manga pugri balaw gid kurangun, dapat ti unman mag-awat sa manga pugri makatanggap mayamu pag manga saad.

Isayas 58:7

Pakan-i niyu karan-unun ti manga magkalun-us, ipatahan niyu sa kanyu ulian ti unman may ulian, ayawi niyu rutay ti unman may rutay, ag awati niyu kanyu manga katawuhan.

Isayas 8:17

Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 34:4

Unman niyu pagpabaskugun ti manga malumuy sa kanda. Unman niyu pagbulungun ti manga may sakit ngatay pagbugkusan ti manga may bari. Unman niyu paghanapun ti manga nagtalang ngatay ti manga nadura. Bagkus ngap, inunu-unu waya niyu sida.

Libitiku 6:3

ngatay magpamudil tungkul sa bagay nadura kuntay balaw kunu siya nakakit, ngatay magpanumpa sa kapudilan unman niya nabwat ti nabanggit pag manga kasalanan.

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Matiyu 10:6

Bagkus ngap atihan niyu ti nasakupan Israil nagtalang ga manga karanidu.

Matiyu 15:24

Magkun si Hisus, “Sinugu aku para lang sa manga karanidu nalyam sa nasyun Israil.”

1 Kurintu 9:9

Dahil nisurat sa Kasuguan ni Muysis magkun, “Danga pagpungta kay bibig baka sa kay maggiuk.” Baka lang aw lugud ti pag-alaalahun Diyus?

Diyuturunumiyu 22:2

Dapat nu arayu ti pag-ulian niya apu ngatay balaw niyu alam nu sitapu kay apu, daraha dap niyu ti hayup tag sa kanyu tugka sa rumas-ug ti may apu maghanap. Bag-u iayaw inda sa kanya.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.