Diyuturunumiyu 21:5 - Hanunuu

⁵ Kailangan sumiyun diman ti manga manughandug Balay Diyus pag manga lahi ni Libi, dahil pinili sida Panginuun niyu Diyus sumirbi ag pumakaun basbas sa ngaran Panginuun, bag-u maghusay sa tanan kasaba.

Diyuturunumiyu 21:5 Iomraidhean Croise

1 Krunika 23:13

Kay manga anak lalaki ni Amram si Aarun ag si Muysis. Ipinablag si Aarun hanggan kay manga linahi para sa pagtalaga sa pinaka banal pag manga bagay, sa pagpakaun manga handug sa Panginuun, sa pagsirbi sa kanya, ag sa pagbasbas sa nasakupan niya ngaran. Imaw inda kanda katungkulan hanggan aban.

2 Krunika 19:10

Nu may kasaba rumas-ug sa kanyu ginan sa manga kasimanwa niyu sa una naan pag banwa may kalabutan sa pagmatay ngatay paglabag sa manga sugu ag manga surundanun, pasandami niyu sida danga magkasala sa Panginuun, dahil nu unman, idugang niya kay pangagalit sa kanyu ag sa kanda. Buwata niyu inda hampay balaw kamu sumalan.

Isikil 42:13

Magkun ti tawu sa kangku, “Inda pag manga sulud-sulud sa kanaway ag sa salatan, sa tupad sulud sugkadan, banal pag manga sulud-sulud. Dahil ti manga manughandug maghandug sa Panginuun siyun pag mangaun manga Pinaka Banal pag manga handug. Gamitun diman nida inda pag manga sulud-sulud paraulian manga handug pasalamat, manga handug sa paglumpiyu, ag manga handug bayad sa kasalanan. Dahil inda pag sulud-sulud banal.

Isikil 44:24

Nu may manga mag-aratwan, ti manga manughandug ti humusay ag magpasya angay sa kang manga kasuguan. Kailangan tupadun manga manughandug kang manga sugu ag manga surundanun tungkul sa manga pista kang pag-ipatupad, ag pakabanalun nida ti manga Sirang Pamahari.

Libitiku 9:22

Pagka natapus kay maghandug ni Aarun, ipinaabwat niya kay manga kamang sa manga tawu ag idinarangin niya sida, bag-u nagdugsun siya ginan sa harandugan.

Malakyas 2:7

“Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Diyuturunumiyu 10:8

Ati pag udas, pinili Panginuun ti lahi ni Libi sa pagdara sa Kaban Kasunduan Panginuun, hampay mansirbi sa kay atubangan, ag hampay papaladan ti manga tawu sa ngaran niya. Taynguna tugka katida kanda buruwatun.

Diyuturunumiyu 18:5

Dahil sa tanan linahi Israil, sida hanggan kanda manga katawuhan imaw ti pinili Panginuun niyu Diyus sumirbi sa kanya hanggan waya aban.

Diyuturunumiyu 19:17

sida duwa patindugun sa atubangan Panginuun, sa atubangan manga manughandug ag sa manga manughusay magsirbi sa tunda pag udas.

Diyuturunumiyu 21:4

Darahun nida inda sa luung nu naan kay kataid pag daga balaw waya gid naaradu ngatay natanuman. Ag ati nida pag bariun ti liug tarnida baka.