Diyuturunumiyu 21:23 - Hanunuu

²³ kailangan danga maabutan surip ti bangkay ati sa kayu. Kailangan ilbung niyu inda sa tunda diman pag sirang, dahil una si unu ti ibinitin sa kayu sinaadan Diyus. Danga niyu pag-uringi ti pag-ipakaun Panginuun niyu Diyus pag daga sa kanyu bilang mana niyu.

Diyuturunumiyu 21:23 Iomraidhean Croise

2 Samwil 21:10

Si Rispa kay anak ni Aya nagbuul saku ag linapad tunda sa usa ka daka pag batu hampay buwatun niya parahuwayan. Tinanudan niya ti manga bangkay hampay balaw kan-un manga manuk nu sirang ag hampay balaw kan-un simarun hayup nu yabi. Siyun di siya ginan sa nag-umpisa ti aranyan tugka sa inmuran.

2 Samwil 21:6

Nakan pakan-an nimu sa kanmi ti pitu ka lalaki ginan sa kay linahi, dahil matyun nimi sida ag pabay-anan kanda bangkay sa may arani pagsambahan sa Panginuun pag rugar ati sa Gibiya, kay banwa tunda ni Saul ti pinili Panginuun pag hari.” Magkun ti hari, “Hu, ipakaun niku sida sa kanyu.”

2 Hari 10:8

Pagka rinmas-ug ti nagdara, tinultulan niya si Hihu, “Ipinadara duy nida ti manga ulu manga linahi hari.” Nagsugu si Hihu, “Tumpuka tunda sa duwa ka tumpuk ati sa puwirtahan banwa, pabay-ani lang ati tugka sa surip.”

Isikil 39:12

“ ‘Pitu gid ka bulan ti paglubung manga Israilita sa kanda hampay malimpiyuhan ti daga.

Libitiku 18:25

Una tunda pag daga nayagtingan dahil sa kanda binwat, nakan pinadaran-an niku manga sarut tunda pag daga hampay mighit sida siyun ginan. Dapat kamu pag manga Israilita hanggan pag manga day-uhan mag-ulian kaibahan niyu, danga gid niyu pagbuwata ti mayagting pag manga bagay, bagkus ngap tupadun gid niyu kang manga surundanun hanggan manga kasuguan. Dahil nu yagtingan diman niyu ti daga sa pagbuwat mahalay, paighitun diman niku kamu siyun ginan pag daga parihu sa manga tawu un-an man sa kanyu.

Bilang 25:4

Magkun ti Panginuun sa kan Muysis, “Bul-a ti tanan takinan sa tunda pag manga tawu, ag matya sida sa kang atubangan sa paghilingan manga tawu, hampay madura kang masyadu pag pangagalit sa Israil.”

Huwan 19:31

Ati katpung sirang pangalistu sa kapistahan. Unman pagpahintulutan manga Hudiyu nu pabay-anan lang ti manga bangkay sa manga kurus sa Sirang Pamahari dahil tutuu mahalaga tunda pag Sirang Pamahari. Nakan nakihampang sida sa kan Pilatu nu mahimu pabarian yi ti manga kapusgan manga tawu ipinaku sa kurus hampay bul-un yi ti manga bangkay.

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 25:19

Nakan rurisa gid niyu ti tanan Amalikita nu pakan-an yi kamu Panginuun niyu Diyus kahusayan sa tanan niyu manga kalaban ati sa pag-ipakaun niya sa kanyu pag daga, kanyu apuun. Danga gid niyu inda pag kalimti.

Diyuturunumiyu 4:21

“Nangisug ti Panginuun sa kangku dahil sa kanyu, bag-u sinaadan niya aku balaw makadipay sa Hurdan ag makaslud sa mayad pag daga pag-ipakaun Panginuun niyu Diyus hampay kanyu maranahun.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 7:12

Imaw inda kay dahilan nu hayga unman sida makalaban sa kanda manga kalaban. Nalagiw sida sa kanda manga kalaban, dahil sida mismu rurisun diman bilang handug buu sa kangku. Unman yi aku mangiba sa kanyu nu balaw niyu rurisun ti manga bagay ihinandug yi buu sa kangku.

Huswi 8:29

Ipinabitay ni Huswi ti hari sa kayu ag pinabay-anan ati tugka malambung. Pagka nisangday ti init, ipinab-ul niya kay bangkay ag ipinayamut sa luwas puwirtahan banwa. Pinatap-ukan nida inda manga batu, ag inda pag manga batu makitan waya tugka kainda.