Diyuturunumiyu 20:16 - Hanunuu

¹⁶ Kailangan niyu matyun ti tanan tawu sa manga banwa pag-ipakaun Panginuun niyu Diyus sa kanyu bilang kanyu mana.

Diyuturunumiyu 20:16 Iomraidhean Croise

Bilang 21:35

Nakan minatay ngani manga Israilita si Ug, hanggan kay manga anak ag ti tanan niya nasakupan, unman gid may nasawad sa kanda. Bag-u inapu manga Israilita ti sakup ni Ug pag daga.

Bilang 31:17

Nakan panmatya niyu ti tanan pag anak lalaki hanggan ti tanan naulid yi pag manga babayi.

Bilang 33:52

paighita nida ti tanan manga mag-uli ati bag-u dauta ti tanan-tanan nida manga diyus-diyusan binwat ginan sa manga batu, mital, hanggan ti tanan-tanan nida manga simbahan sa abwat pag manga rugar.

Diyuturunumiyu 20:15

Buwatun lang niyu inda sa manga banwa arayu ag balaw bahagi sa daga sakupun niyu.

Diyuturunumiyu 20:17

Rurisun niyu ti tanan manga Hitiyu, Amuriyu, Kananiyu, Pirisiyu, Hibiyu ag Hibusiyu angay sa pag-isugu Panginuun niyu Diyus.

Diyuturunumiyu 24:4

balaw yi siya mahimu asawan-un maan niya un-an pag asawa dahil nauringan yi siya. Nu asawan-un maan siya niya un-an pag asawa, daut gid masyadu inda sa magbantay Panginuun. Kailangan danga niyu pagbuwata inda pag kasalanan sa pag-ipakaun Panginuun niyu Diyus pag daga sa kanyu bilang mana niyu.

Diyuturunumiyu 31:5

Itugut sida Panginuun sa kanyu, ag kailangan buwatun niyu sa kanda ti tanan niku pag-isugu sa kanyu.

Diyuturunumiyu 4:21

“Nangisug ti Panginuun sa kangku dahil sa kanyu, bag-u sinaadan niya aku balaw makadipay sa Hurdan ag makaslud sa mayad pag daga pag-ipakaun Panginuun niyu Diyus hampay kanyu maranahun.

Diyuturunumiyu 7:16

Kailangan matyun niyu ti tanan pag tawu ipinahintulut Panginuun niyu Diyus sa kanyu. Danga niyu sida pag kaawai, ag danga kamu sumirbi sa kanda manga diyus, dahil bumaliw suduk inda para sa kanyu.

Huswi 10:20

Harus tabu minatay ni Huswi hanggan manga Israilita kanda manga kalaban. Dapat may imaw waya gid nakaribri ag nakasulud sa kanda manga banwa may alad batu.

Huswi 10:28

Sa ati pag sirang, sinakup ni Huswi ti Makida. Pinanmatay niya ti tanan mag-uli ati, hanggan kanda hari. Pinadamhak niya inda lubus, ag unman gid may nasawad buhi. Binwat ni Huswi sa hari Makida ti binwat niya sa hari Hiriku.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 11:14

Pinanbuul manga Israilita ti tanan kasiyunan ag manga hayup sa inda pag banwa. Dapat pinanmatay nida ti tanan mag-uli ati, ag unman gid may nasawad buhi.

Huswi 6:24

Sinunug nida ti buu banwa ag ti tanan asan purya lang sa manga binwat ginan sa pilak, gintu, galang, hanggan baul. Pinanbuul nida inda hampay ipauli sa taraguan kayamanan Panginuun.

Huswi 8:25

Sa tunda pag sirang, namatay ti tanan mag-ulian sa Hay — 12,000 tanan, lalaki hanggan babayi.

Huswi 8:8

Nu masakup yi niyu ti banwa, sunuga niyu inda angay sa sugu Panginuun. Pihua gid niyu matupad inda.”

Huswi 9:24

Magkun sida sa kan Huswi, “Binwat nimi inda dahil magkadala kami barang matyun niyu kami. Dahil nabaritaan gid nimi sinugu Panginuun nimu Diyus si Muysis kay suruguun ipakaun sa kanyu inda pag daga ag matyun ti tanan mag-uli sitay.

Huswi 9:27

Dapat binwat niya sida manughanap kayu ag manugtaas danum para sa kadamlan ag sa harandugan Panginuun. Tugka kainda pagbuwatun nida inda pag buruwatun sa rugar pinili Panginuun nu naan siya pag sambahun.

Huswi 9:7

Dapat nagsagut ti manga Israilita, “Barang taga sitay lang kamu sa kanmi arani. Nakan balaw kami mahimu mamwat kasunduan sa kanyu.”

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”