Diyuturunumiyu 20:1 - Hanunuu

¹ “Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Diyuturunumiyu 20:1 Iomraidhean Croise

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

2 Krunika 14:10

Nighit diman si Asa hampay lumaban kan Sira. Napauli sida sa Karatagan Sipata arani sa Marisa.

2 Krunika 14:11

Pagkatapus, nandarangin si Asa sa Panginuun sa kay Diyus, “Panginuun, unman yi may iba waya makaawat sa manga tawu unman may kaya lumaban sa manga makapangyarihan nu unman kawu lang. Awati nimu kami, Panginuun kanmi Diyus, dahil magsarig kami sa kanmu, ag sa kanmu ngaran nag-ataytag kami laban sa siyun pag mayamu manga sundalu. Panginuun, kawu kanmi Diyus; danga pagpahintuluti manalu ti tawu laban sa kanmu.”

2 Krunika 20:12

Diyus nimi, unman aw nimu sida parusahan? Dahil unman kami may kaya umatubang sa pagkayamu sundalu maggira sa kanmi. Unman nimi alam nu unu ti kanmi buwatun, dapat magsarig kami sa kanmu.”

2 Krunika 20:15

Magkun si Yahasyil, “Patingi kawu Hari Husapat, ag tanan kamu pag mag-uli sa Huda ag Hirusalim! Inda ti pagsabihun Panginuun sa kanyu, ‘Danga kamu magkadala ngatay magpanlubay dahil sa pagkayamu manga sundalu inda, dahil balaw kamu ti manlaban sa kanda nu unman ti Diyus.

Kanta 118:6

Kaibahan niku ti Panginuun, nakan unman aku magkadala. Unu ti mabuwat tawu sa kangku?

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 23:4

Una waya maglakaw aku sa kadudulman, balaw aku magkadala, dahil kaibahan niku kawu. Kanmu pamakul mag-alaga sa kangku; ag kanmu sugkud maggiya ag magpabisug sa kangku.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:8

Abala, bantayi ti manga buwat Panginuun, ti makadululaw pag manga bagay kay binuwat sa kalibutan.

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Hirimyas 16:14

“Rumas-ug ti sirang balaw yi manumpa ti manga tawu kaindaay, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa Ihiptu!’

Sakaryas 10:5

Magkarausa ti manga nasakupan Huda ag bumaliw sida parihu sa marabisug pag manga sundalu tumalu sa kanda manga kalaban ga lutuk tatatataan sa dalan. Manlaban sida dahil kaibahan nida aku, ag taluhun nida ti manga manugkabayu.

Bilang 10:9

“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban.

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

Diyuturunumiyu 1:29

“Bag-u magkun aku sa kanyu, ‘Danga kamu magkakulbaan ngatay magkadala sa kanda.

Diyuturunumiyu 2:7

Alalahana niyu nu kabitay niku kamu pinapaladan sa tanan-tanan pag binwat niyu. Aku, ti Panginuun niyu Diyus, ti nagbantay sa kanyu maglakaw sa maluang pag pangawakawaan sa sulud upatpulu ka timpu. Inibahan niku kamu, bag-u balaw kamu kinurang sa kanyu kailangan pag manga bagay.’

Diyuturunumiyu 20:2

Bag-u kamu mag-atag sa gira, kailangan pumakarani dapu ti manughandug sa atubangan manga sundalu ag sumabi,

Diyuturunumiyu 20:3

‘Pagpatingi kamu, manga nasakupan Israil! Danga kamu magkadala sa kanyu maggira taynguna pag sirang. Pagmatutum kamu ag danga kamu magkataranta.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Diyuturunumiyu 7:1

“Nu darahun yi ngani kamu Panginuun niyu Diyus ati sa daga niyu ulianan ag apuun, ipatabug niya sa kanyu atubangan ti pitu ka nasyun mas mayamu ag mas makapangyarihan kaysa kanyu: ti manga Hitiyu, Girgisiyu, Amuriyu, Kananiyu, Pirisiyu, Hibiyu, ag manga Hibusiyu.

Diyuturunumiyu 7:18

Dapat ay danga kamu magkadala sa kanda, nu unman alalahanun ngap niyu ti binuwat Panginuun niyu Diyus sa hari Ihiptu hanggan sa tanan Ihipsiyu.

Diyuturunumiyu 7:21

Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Diyuturunumiyu 9:3

Dapat kainda makitan niyu ti Panginuun niyu Diyus ti gumiya sa kanyu pagdipay parihu sa apuy maghirut sa kanyu manga kalaban. Taluhun niya sida hampay madali niyu sida mapaighit ag maruris angay sa itinaratu Panginuun sa kanyu.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 11:9

Bag-u binwat ni Huswi sa kanda ti pag-isugu Panginuun: pinamilay niya kanda manga kabayu ag pinangirub kanda manga kalisa.

Talaghusay 6:12

Nagpakakit sa kanya ti anghil Panginuun ag magkun, “Maisug ag mabaskug pag tawu, kaibahan nimu ti Panginuun.”

Talaghusay 6:16

Sinmagut ti Panginuun, “Awatan niku kawu, ag rurisun nimu ti manga Midyanita ga sa maglaban kawu sa usa lang ka tawu.”

1 Samwil 17:32

Pagka rinmas-ug si Dabid, sinabi niya sa kan Saul, “Ti kada usa sa kanta danga magpanlubay dahil lang sa tunda pag Pilistiyu. Aku duy, kanmu suruguun, ti lumaban sa kanya.”