Diyuturunumiyu 2:34 - Hanunuu

³⁴ Sa ati katpung pag udas, sinakup nita ti tanan niya banwa ag rinuris sida lubus — manga lalaki, manga babayi hanggan ti manga anak. Unman gid kita may sinawadan buhi sa kanda.

Diyuturunumiyu 2:34 Iomraidhean Croise

Diyuturunumiyu 3:6

“Rinuris nita sida lubus parihu sa binuwat nita sa kan Hari Sihun taga Hisbun. Pinanmatay nita ti tanan tawu sa kada banwa nita naaghas — manga lalaki, manga babayi hanggan manga anak.

Diyuturunumiyu 7:2

Bag-u nu ipabahala yi sida Panginuun niyu Diyus sa kanyu ag natalu niyu sida, rurisa niyu sida lubus bilang handug sa Panginuun. Danga kamu magbuwat kasunduan ngatay magpakakit pangaawa sa kanda.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 10:28

Sa ati pag sirang, sinakup ni Huswi ti Makida. Pinanmatay niya ti tanan mag-uli ati, hanggan kanda hari. Pinadamhak niya inda lubus, ag unman gid may nasawad buhi. Binwat ni Huswi sa hari Makida ti binwat niya sa hari Hiriku.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 11:14

Pinanbuul manga Israilita ti tanan kasiyunan ag manga hayup sa inda pag banwa. Dapat pinanmatay nida ti tanan mag-uli ati, ag unman gid may nasawad buhi.

Huswi 6:21

Isinagda nida buu sa Panginuun ti banwa sa panab-anan pagmatay sa manga lalaki ag babayi, gurangun ag anak, hanggan manga baka, karanidu ag manga asnu.

Huswi 7:11

Nagsalan ti Israil; linabag nida kang kasunduan. Namuul sida manga bagay ihinandug yi buu sa kangku. Tinakaw nida inda, nagpudil sida tungkul sa inda, ag ipinaamut nida inda sa kanda manga kasiyunan.

Huswi 9:24

Magkun sida sa kan Huswi, “Binwat nimi inda dahil magkadala kami barang matyun niyu kami. Dahil nabaritaan gid nimi sinugu Panginuun nimu Diyus si Muysis kay suruguun ipakaun sa kanyu inda pag daga ag matyun ti tanan mag-uli sitay.

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”