Diyuturunumiyu 2:15 - Hanunuu

¹⁵ Pinarusahan sida Panginuun tugka sa natabu sida namatay sa kampu.

Diyuturunumiyu 2:15 Iomraidhean Croise

Kanta 106:26

Nakan nagsumpa ti Diyus kuntay panmatyun niya sida sa pangawakawaan,

Kanta 32:4

Dahil yabi-sirang magkakurian yi aku sa masyadu pag pariga nimu sa kangku; nadura kang kabisugan, parihu sa danum nak-at sa turungun.

Kanta 78:33

Nakan kadaka lang niya inugtas kanda buhi sa panab-anan madali pag kadamhakan.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Bilang 14:28

Nakan sabihun nimu inda sa kanda: ‘Magsumpa aku, ti Panginuun buhi, buwatun niku sa kanyu ti pagsabihun niyu.

1 Kurintu 10:5

Madi daka kay binwat Panginuun sa kanda, kanda ngap binwat unman angay sa Diyus. Nakan ngani nagkarawayak kanda manga but-ul sa pangawakawaan dahil sa parusa Panginuun.

Hudas 1:5

Una alam yi niyu, kang waya gustu ipaalaala inda sa kanyu kuntay irinibri Panginuun ti nasyun Israil ginan sa daga Ihiptu bag-u pagka dugay pinapas di niya ti manga unman nagsarig sa kanya.

Talaghusay 2:15

Nu maglaban sida, pag-ipatalu sida Panginuun, angay sa kay sinabi. Nakan masyadu gid sida nakurian.

1 Samwil 5:11

Nakan ipinatawag nida ti tanan takinan manga Pilistiyu. Pagka nagminsan yi ngani ti manga takinan, magkun ti manga taga Ikrun, “Padarahan duy niyu ti Kaban Diyus Israil. Ipauli yi niyu sa kay sadili ulian hampay balaw kita matyun, una hanggan kanta manga anak.” Sinabi nida inda dahil nag-umpisa yi ti masyadu pag parusa Diyus sa kanda banwa. Magkataranta sida dahil mayamu yi ti namatay.

1 Samwil 5:6

Pinarusahan Panginuun mahigpit ti manga taga Asdud hanggan ti manga rugar siyun sa kay palibut. Pinakan-an sida Panginuun manga bukul imaw ti pinagkaparusa sa kanda.

1 Samwil 5:9

Pagka dinara yi ngani nida ati, pinarusahan Panginuun ti manga taga Gat. Nagkalaguluhan yi lang gid ti manga tawu, dahil pinarusahan Panginuun ti manga gurangun una ti manga anak. Pinamukulan gid sida.

1 Samwil 7:13

Nakan natalu ti manga Pilistiyu ag balaw yi gid sida inmuman naglaban sa manga Israilita habang buhi waya si Samwil, dahil Panginuun gid ti naglaban sa manga Pilistiyu.