Diyuturunumiyu 2:11 - Hanunuu

¹¹ Pag-ingarnan diman sida Ripaimiyu, parihu sa manga linahi ni Anak, dapat ay pag-ingarnan diman sida Imita manga Muabita.

Diyuturunumiyu 2:11 Iomraidhean Croise

Gimpuunan 14:5

Ag pagka sa ika-14 pag timpu, tinalu ni Kidurlawmir hanggan niya manga kakampi hari ti manga Ripaimiyu sa Astirut Karnaim, ti manga Susita sa Kam, ti manga Imita sa Karatagan Kiryataim,

Gimpuunan 6:4

Ati katpung pag panahun, ag sa manga nakalawuy, may manga kilala pag manga tawu sa kalibutan ginan sa lahi manga anak Diyus ti nag-asawa mararinu pag manga babayi. Makapangyarihan sida ag kilala pag manga tawu sa un-an pag manga kapanahunan.

2 Samwil 21:16

Si Isbi Binub usa ka Pilistiyu ginan sa linahi manga Rapa naggayak matyun si Dabid. Kay suru niya bangkaw galang kay buyat manga upat ka kilu, ag may masuribayan waya siya bag-u pag armas.

Bilang 13:22

Nag-umpisa sida sa Nigib tugka nakaras-ug sida sa Hibrun, nu naan mag-uli sida ni Ahiman, ni Sisay, ag ni Talmay, manga lahi ni Anak. (Inda pag Hibrun ipinatindug pitu ka timpu bag-u ipinatindug ti Suan sa Ihiptu.)

Bilang 13:28

Dapat ay makapangyarihan pag manga tawu ti mag-uli ati, daraka gid kanda manga banwa ag sangput manga alad batu. Nakitan waya ngani nimi ati kay manga lahi ni Anak.

Bilang 13:33

May nakitan waya ngani kami manga daragangan, kay manga lahi ni Anak. Ga manga tipung lang kanmi pamantay sa kanmi sadili nu ipaparihu sa kanda, ag katunda diman kanda magbantay sa kanmi.”

Diyuturunumiyu 1:28

Kabitay kita makaatag? Pinadala kita manga nagtiid sa ati pag daga. Pagsabihun nida kuntay mas mabaskug bag-u mas arabwat man kaysa kanta ti manga tawu ati, ag ti manga banwa nida daraka bag-u magkasangputan manga alad batu ga sunggu yi sa langit kay ka abwat. Bag-u nakitan waya nida ati ti manga lahi ni Anak.’

Diyuturunumiyu 2:20

“Tunda pag daga kaybi kilala diman daga manga Ripaimiyu, dapat iningarnan sida Samsumiyu manga Amunita.

Diyuturunumiyu 3:11

(Si Hari Ug wadi ti nasawad usa-usa sa manga lahi Ripaimiyu. Kay igyaan baul kay aba 9 ka luk-an siku bag-u 4 ka luk-an siku kay kadaka. Makitan waya inda taynguna ati sa Raba pag banwa manga Amunita.)

Diyuturunumiyu 9:2

Ti manga mag-uli ati marabisug ag ararabwat — pag lahi manga Anakita! Magkaalaman diman niyu ti tungkul sa lahi manga Anakita ag nasaydan niyu unman may makalaban sa kanda.