Diyuturunumiyu 19:19 - Hanunuu

¹⁹ kailangan parusahan siya parusa para mana sa namangdan. Kailangan duraun niyu inda pag kadautan sa kanyu.

Diyuturunumiyu 19:19 Iomraidhean Croise

Kabagawan 19:5

Ti pudilun pag kastigus parusahan, ag una si unu pag pudilun balaw makaribri sa parusa.

Kabagawan 19:9

Ti pudilun pag kastigus parusahan, ag una si unu ti mamudil midamhak.

Hirimyas 14:15

Nakan aku, ti Panginuun, magkun parusahan niku ti manga pudilun pag manga purupita. Magbagaw sida sa ngaran niku una unman niku sida sinugu. Pagsabihun nida unman may rumas-ug gira ngatay lun-us sa inda pag nasyun, dapat sa gira ag lun-us sida pag midamhak.

Danyil 6:24

Nakan nagsugu ti hari kuntay ti tanan nagbangdan sa kan Danyil yamtan sa may liyun kali hanggan kanda manga asawa ag manga anak. Udwaya sida mag-idna sa sirung dinuksulan yi sida manga liyun ag pinanwayak.

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 13:6

“Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Diyuturunumiyu 17:7

Ti manga kastigus imaw ti un-an bumintuk sa kanya, bag-u di ti tanan tawu umawat. Kailangan niyu duraun inda pag kadautan sa kanyu.

Diyuturunumiyu 19:20

Ti makadnug tungkul sa siyun madala gid ag balaw yi umuman bumuwat katunda pag daut buwat.

Diyuturunumiyu 22:21

darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Diyuturunumiyu 22:24

darahun niyu sida duwa sa puwirtahan banwa ag bintukun tugka sa mamatay. Matyun ti babayi dahil una ati siya sa banwa unman siya nanringgit hampay manhagad awat. Matyun diman ti lalaki dahil nangulid siya sa babayi itinagka yi ikasal. Kailangan duraun niyu inda pag kadautan sa kanyu.

Diyuturunumiyu 24:7

“Nu natakdan ti usa ka tawu magdakup sa kay kaparihu Israilita ag binuwat niya suruguun ngatay ipinabili niya, kailangan matyun ti nagdakup. Kailangan duraun niyu inda pag kadautan sa kanyu.