Diyuturunumiyu 19:15 - Hanunuu

¹⁵ “Danga niyu pagsintinsiyahi ti usa ka tawu kuntay nagsalan dahil lang sa pagsabihun usa ka kastigus. Kailangan may duwa ngatay tulu ka kastigus ti magpatutuu kuntay nagkasala ti usa ka tawu.

Diyuturunumiyu 19:15 Iomraidhean Croise

1 Hari 21:10

Bag-u patukawa niyu sa atubangan niya ti duwa ka daut pag tawu hampay bangdanan siya kuntay sinaadan niya ti Diyus hanggan ti hari. Pagkatapus, daran-un niyu siya sa luwas banwa ag bintukun tugka sa mamatay.”

1 Hari 21:13

Bag-u may rinmas-ug duwa ka daut pag tawu, tinmukaw sa atubangan ni Nabut, ag binangdanan nida inda sa atubangan manga tawu. Magkun sida, “Sinaadan ni Nabut ti Diyus hanggan ti hari.” Nakan dinara nida si Nabut sa luwas banwa, ag binintuk tugka sa namatay.

Bilang 35:30

“Una si unu ti makamatay sa kay kaparihu kailangan gid matyun, dapat ay kailangan pag may manga kastigus hampay pumatutuu kuntay nakamatay siya. Nu usa lang ka kastigus ti pumatutuu, balaw matyun tunda pag tawu.

Matiyu 18:16

Dapat nu unman siya magpaniwala sa kanmu, tumaban waya kawu usa una duwa ka tawu hampay ti tanan hinampangan niyu balaw mapahimudil nu duwa ngatay tulu ti nakadnug.

Huwan 7:51

“Nu angay sa Kasuguan nita, dayu gid mahimu sintinsiyahan nita ti usa ka tawu nu udwaya nadnugan nita kay pagsabihun ag nu udwaya inusisa nita kay manga pagbuwatun.”

Huwan 8:17

May nisurat sa kanyu Kasuguan magkun, ‘Nu ti duwa ka tawu urusa kanda patutuu, danga yi pagpahimudila kanda pagsabihun.’

2 Kurintu 13:1

Inda aban kang pakatlu pag sabang asan tag sa kanyu. Isinurat sa Banal Kasuratan magkun, “Una si unu ti may isumbung kailangan pag may magpatutuu duwa una tulu ka kastigus.”

Diyuturunumiyu 17:6

Mahimu matyun ti tawu nu napatutuuhanan nagkasala siya sa panab-anan pagsabi duwa ngatay tulu ka kastigus, dapat nu usa lang ka kastigus balaw siya mahimu matyun.

1 Timutiyu 5:19

Nu may magbintang sa manug-asiwa iglisya, danga nimu pasnuan nu unman may duwa manga tulu ka kastigus.

Hibriyu 10:28

Ti tawu nu naglabag sa Kasuguan ni Muysis udyi pagkaawaan. Nu may duwa una tulu ka kastigus magpatutuu laban sa kanya pihu siya matyun.