Diyuturunumiyu 18:22 - Hanunuu

²² Nu ti pagbagawun purupita sa ngaran Panginuun balaw mangyari ngatay matupad, inda pag tultulanun balaw sa Panginuun. Buwat-buwat lang purupita tunda, nakan danga kamu magkadala sa kanya.

Diyuturunumiyu 18:22 Iomraidhean Croise

1 Hari 22:28

Magkun si Mikaya, “Nu makabalik kawu may kahusayan, kay ibug sabihun unman nagbagaw ti Panginuun sa kangku.” Ag magkun si Mikaya sa tanan tawu ati, “Tandai niyu ti sinabi niku!”

2 Hari 20:1

Ati pag udas, nasakit si Isikyas ag ga mamatay yi siya. Nag-ati sa kanya si Purupita Isayas kay anak ni Amus ag magkun, “Sinabi Panginuun buwata yi ti kailangan nimu buwatun dahil unman yi kawu maayadan, mamatay yi kawu.”

Kabagawan 26:2

Ti saad unman dumlut sa kanmu nu unman kawu may kasalanan. Parihu inda sa manuk malayangan lang balaw mag-apun.

Isayas 41:22

Pagpakarani kamu ag sabiha sa kanmi nu hintay ti manga mangyari sa aratubangun. Sabiha niyu sa kanmi ti manga pagsabihun niyu kaybi mangyari hampay maalaman nimi nu nangyari ngani inda. Sabiha niyu sa kanmi nu hintay ti mangyari sa aratubangun hampay maalaman nimi kamu manga diyus ngani. Pagbuwat kamu mayad ngatay daut hampay kami madulaw ag madala sa kanyu.

Hunas 3:4

Nagsulud si Hunas sa Ninibi. Pagka natapus ti usa ka sirang lalakawun, magkun siya sa manga taga ati, “May 40 wadi ka sirang ti magkasawad rurisun yi ti Ninibi!”

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Diyuturunumiyu 18:20

Ag kailangan matyun una si unu pag purupita ti mamagaw sa panab-anan niku ngaran balaw niku pagsuguun ngatay mamagaw siya sa ngaran iba pag manga diyus.’

Diyuturunumiyu 18:21

“Barang mamaingana kamu, ‘Kabitay nimi maalaman nu ungud tunda yi ngani ti tultulanun Panginuun?’

1 Samwil 3:19

Parargu paggiyahan Panginuun si Samwil habang siya magdaka. Pinahintulutan Panginuun matupad ti tanan sinabi ni Samwil.