Diyuturunumiyu 18:2 - Hanunuu

² Unman sida may manahun daga parihu sa kanda kaparihu manga Israilita; ti Panginuun imaw ti kanda mana angay sa kay itinaratu sa kanda.

Diyuturunumiyu 18:2 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Kanta 119:57

Kawu lang gid Panginuun ti kang kailangan. Magtaratu aku sa pagsunud sa kanmu manga bagaw.

Kanta 16:5

Panginuun, kawu ti tanan sa kangku. Pag-ipakaun nimu ti tanan niku pangailangan. Kang buhi asan sa kanmu manga kamang.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Isayas 61:6

Ingarnan kamu manga manughandug Panginuun, manga manugsirbi sa kanta Diyus. Manginabang kamu sa kayaman manga nasyun ag makabaya kamu. Tunda tanan mapasa-kanyu.

Karukuan 3:24

Magsabi aku sa kang sadili, “Ti Panginuun imaw ti tanan sa kangku, nakan magsarig aku sa kanya.”

Isikil 44:28

Magkun waya ti Panginuun, “Aku lang kanda maranahun. Unman may daga maranahun ti manga manughandug Israil, dahil aku mismu ti mangayaw sa kanda manga pangangailangan.

Bilang 18:20

Magkumun waya gid ti Panginuun sa kan Aarun, “Kamu pag manga manughandug unman may manahun daga sa Israil, dahil aku di ti mangayaw kanyu pangailangan.

Bilang 18:7

Dapat kawu lang hanggan kanmu manga anak ti makasirbi bilang manga manughandug. Kamu lang ti makabuwat manga buruwatun may kalabutan sa harandugan ag sa Pinakabanal pag Sulud-sulud. Pakaun niku sa kanyu ti pagkamanughandug niyu. Una si unu ti bumuwat inda balaw manughandug kailangan matyun.”

Diyuturunumiyu 10:9

Nakan ngani ti manga lahi ni Libi unman may bahagi ngatay minana daga parihu sa natanggap nida kaparihu manga Israilita. Ti Panginuun imaw ti kanda bahagi angay sa sinabi Panginuun niyu Diyus.

Huswi 13:14

Unman pinakan-an ni Muysis daga maranahun kay lahi ni Libi. Bagkus ngap, kanda tanggapun imaw ti bahagi manga handug pagsunugun sa apuy pag-ihandug sa Panginuun, ti Diyus Israil, angay sa kay sinabi sa kan Muysis.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.