Diyuturunumiyu 18:12 - Hanunuu

¹² Una si unu ti bumuwat inda pag manga bagay bugyahan Panginuun. Inda ngani kay dahilan nu hayga palayasun Panginuun niyu Diyus inda pag manga nasyun sa kanyu atubangan.

Diyuturunumiyu 18:12 Iomraidhean Croise

2 Hari 23:24

Pinalayas diman ni Husyas sa Huda ag Hirusalim ti manga pandaniwan maghampang sa karadwa namatay, ti manga diyus manga magtal-anakan, ti tuhay waya pag manga diyus-diyusan, ag ti tanan mayagting pag pagsambahun manga tawu. Binwat inda ni Husyas agud matupad ti manga sugu nakasurat sa ribru nakitan ni Hilkiyas ti manughandug sa Balay Diyus Panginuun.

Isikil 31:11

ipahintulut niku siya sa pinakamakamaskihan pag nasyun, imaw ti pumarusa sa kanya angay sa kay kadautan. Hu, dayuun niku siya;

Libitiku 18:24

Danga niyu pagyagtingi kanyu pagkatawu sa panab-anan pagbuwat tunda pag manga buruwatun, dahil inda ti nagpayagting sa manga tawu pagpaighitun niku sa daga kang pag-ipakaun sa kanyu.

Libitiku 18:25

Una tunda pag daga nayagtingan dahil sa kanda binwat, nakan pinadaran-an niku manga sarut tunda pag daga hampay mighit sida siyun ginan. Dapat kamu pag manga Israilita hanggan pag manga day-uhan mag-ulian kaibahan niyu, danga gid niyu pagbuwata ti mayagting pag manga bagay, bagkus ngap tupadun gid niyu kang manga surundanun hanggan manga kasuguan. Dahil nu yagtingan diman niyu ti daga sa pagbuwat mahalay, paighitun diman niku kamu siyun ginan pag daga parihu sa manga tawu un-an man sa kanyu.

Diyuturunumiyu 14:27

Danga diman niyu pagkalimti ti manga Libita mag-uli sa kanyu manga banwa, dahil unman sida may minana daga.

Diyuturunumiyu 22:5

“Ti babayi danga magsulung rutay panlalaki, aw ngatay ti lalaki danga magsulung rutay panbabayi, dahil pagkadat-an Panginuun niyu Diyus ti magbuwat katunda.

Diyuturunumiyu 9:4

“Nu mapaighit yi sida Panginuun niyu Diyus, danga kamu magsabi sa kanyu sadili, ‘Dahil matadlung kita, nakan dinara kita sitay Panginuun hampay apuun inda pag daga.’ Balaw katida. Paighitun sida Panginuun dahil daut sida pag manga nasyun.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.