Diyuturunumiyu 18:10 - Hanunuu

^10-11 Kailangan unman may una di usa sa kanyu ti magsunug kay anak bilang handug. Ag danga diman kamu maghula, magtultul kahulugan manga tanda, maghiri, magsalumangka, magbuwat manga buruwatun manga pandaniwan ngatay tihulan ag magpaingana sa karadwa manga namatay.

Diyuturunumiyu 18:10 Iomraidhean Croise

Gimpuunan 44:5

Hayga bin-ul niyu ti tasa irinman niku amu ag garamitun niya sa maghula? Daut gid inda pag binwat niyu.’ ”

2 Hari 16:3

Nagsunud siya sa pag-ugaliun manga hari Israil, ag una ngani kay anak ihinandug niya sa apuy. Hinuwad niya ti mayagting pag manga pagbuwatun manga nasyun ipinalayas Panginuun sa panab-anan manga Israilita.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Hari 17:17

Isinagda nida kanda manga anak sa apuy; nagpaingana sida sa manga manugpintu hanggan sa manga pandaniwan, ag ipinahintulut nida kanda sadili sa pagbuwat daut sa magbantay Panginuun, ag ikinagalit inda Panginuun.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Hari 23:24

Pinalayas diman ni Husyas sa Huda ag Hirusalim ti manga pandaniwan maghampang sa karadwa namatay, ti manga diyus manga magtal-anakan, ti tuhay waya pag manga diyus-diyusan, ag ti tanan mayagting pag pagsambahun manga tawu. Binwat inda ni Husyas agud matupad ti manga sugu nakasurat sa ribru nakitan ni Hilkiyas ti manughandug sa Balay Diyus Panginuun.

1 Krunika 10:13

Namatay si Saul dahil balaw siya matinupadun sa Panginuun. Unman niya tinupad ti sugu Panginuun, ag nandangup waya ngani siya sa manga pandaniwan

2 Krunika 28:3

Nagsunug siya manga handug sa Luung Bin Hinum, ag ihinandug gid ngap niya sa apuy kay manga anak lalaki. Sinunud niya ti mayagting pag manga buruwatun manga nasyun ipinalayas Panginuun sa panab-anan manga Israilita.

2 Krunika 33:6

Isinagda niya sa panab-anan apuy kay manga anak sa Karatagan Bin Hinum. Binwat diman niya ti manga pagbuwatun manga manughula ag panhirian, ag nagpaingana siya sa manga pandaniwan magpakihampang sa karadwa manga namatay. Pinakadaut kay binwat niya ag nakapagalit inda sa Panginuun.

Pag-ighit 22:17

Nu unman gid magpasnu ti ama daraga ipakaun kay anak hampay kay yi asawa tida pag lalaki, bumayad maan ti lalaki angay sa kanda hagadun pag halaga.

Pag-ighit 22:18

“Ti panhirian kailangan matyun.

Isayas 47:13

Pagbudlayun yi kawu sa mayamu nimu paraan. Pagpaawat kawu sa kanmu manga tawuhan mag-adal tungkul sa manga pamgasan hanggan manughula kada bulan tungkul sa magpangyari sa kanmu.

Hirimyas 27:10

Kapudilan ti pagsabihun nida sa kanyu. Ag nu maniwala kamu sa kanda paighitun niku kamu sa kanyu daga. Palayasun ag rurisun niku kamu.

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Hirimyas 7:31

Nagpatindug diman sida simbahan sa abwat pag rugar sa Tupit, sa Luung Bin Hinum, hampay ati pagsunugun nida kanda manga anak bilang handug. Balaw niku inda pag-isugu sa kanda, balaw diman inda sinmulud sa kang isip.

Libitiku 19:26

Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Mikas 5:12

Dautun niku kanyu manga anting-anting ag madura kanyu manga panhirian.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Binwat 19:19

Tinipun manga panhirian, manga may ingkantu, manga may dunungin kanda manga ribru tungkul sa kanda manga dunung bag-u kanda sinunug sa atubangan kayamuan manga tawu. Kanda binilang kay halaga ati pag manga ribru aput maaw sa limampulu ka libu ka pisus.

Binwat 8:9

May usa ka lalaki kay ngaran si Simun. Kaybi waya ginan nagpadulaw-dulaw siya sa manga taga Samarya dahil sa kay salumangka. Pag-akuun niya siya may dunung.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Diyuturunumiyu 12:31

Danga gid niyu pagbuwata inda sa kanyu magsamba sa Panginuun niyu Diyus, dahil sa kanda magsamba pagbuwatun nida ti tanan daut pag manga bagay pagkagalitan Panginuun. Pagsunugun diman nida kanda manga anak bilang handug sa kanda manga diyus.

1 Samwil 15:23

Ti paglapastangan sa Panginuun ga maghiri kay ka daut ag ti kaganitan ulu ga magsamba sa diyus-diyusan kay ka daut. Dahil sa kanmu pagbugya sa bagaw Panginuun, binugyahan diman niya kawu bilang hari.”

1 Samwil 28:3

Tunda katpung namatay yi si Samwil. Pagka namatay siya nanhimanglaw sa kanya ti buu Israil, ag ilinbung sa kay banwa ati sa Rama. Ati katpung pinaighit yi ni Saul ti manga pandaniwan hanggan manga manughula sa Israil.

1 Samwil 28:7

Bag-u magkun si Saul sa kay manga suruguun, “Hanapi niyu aku babayi pandaniwan ti mahimu niku mapaingan-an.” Sinmagut kay manga suruguun, “May imaw duy ati sa Indur.”

1 Samwil 28:8

Nakan nagpabalhinguun si Saul sa panab-anan pagsulung urdinaryu lang pag rutay. Pagka sa yabi, nag-ati siya sa babayi kaibahan kay duwa niya ka tawuhan. Igu rinmas-ug sida, magkun si Saul sa babayi, “Magkaibug aku manhampang sa karadwa usa ka tawu. Mahimu aw nimu tawagun ti sabihun niku pag tawu sa kanmu?”

1 Samwil 28:9

Magkun ti babayi sa kanya, “Hintay duy, gustu aw nimu mamatay aku? Alam diman waydi siguru nimu nu hintay kay binwat ni Saul. Pinaighit niya ti manga pandaniwan hanggan ti manga manughula. Danga pagpaulian sa alangan kang buhi.”