Diyuturunumiyu 17:2 - Hanunuu

² “Halimbawa ti usa ka lalaki ngatay babayi mag-uli sa usa sa manga banwa pag-ipakaun sa kanyu Panginuun natakdan magbuwat daut sa magbantay Panginuun niyu Diyus. Naglabag siya sa kasunduan Panginuun

Diyuturunumiyu 17:2 Iomraidhean Croise

2 Hari 18:12

Nangyari inda sa manga taga Israil dahil unman sida nagsunud sa Panginuun nida Diyus. Linabag nida ti kasunduan Panginuun sa kanda — ti tanan pag sugu ipinakaun Panginuun sa panab-anan ni Muysis kay manugsirbi. Unman sida nagpatingi ngatay nagsunud sa tunda pag kasunduan.

2 Hari 21:3

Ipinatindug niya utru ti manga simbahan sa abwat pag manga rugar ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagpabuwat manga tulduk tanda diyusa si Asira, parihu sa binuwat ni Hari Akab taga Israil. Nagluhud siya ag nagsamba sa tanan pag bagay sa kalangitan.

Hub 31:28

Nu tutuu binuwat niku inda pag manga kasalanan kailangan aku parusahan, dahil nagpaulam aku sa Diyus ati sa langit.

Pag-ighit 22:19

“Una si unu ti man-garaw sa hayup kailangan matyun.

Pag-ighit 22:20

“Una si unu ti manhandug sa tuhay pag diyus purya sa kangku kailangan matyun.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 34:18

Ti manga may kangaranan sa Huda ag Hirusalim, ti manga kaawat sa balay hari, hanggan ti manga manughandug ag ti tanan nasakupan nagbuwat kasunduan sa kangku sa panab-anan paglakaw nida sa sinangsang ibun baka. Dapat unman nida tinupad kanda kasunduan sa kangku, nakan buwatun diman niku sa kanda ti binwat nida sa ibun baka.

Isikil 16:38

Parusahan niku kawu sa kanmu pagpanguragin ag pagpanmatay. Ag sa kang masyadu pag pangagalit ag imun, matyun niku kawu.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Libitiku 20:2

kuntay sabiha inda sa manga Israilita: Una si unu sa kanyu hanggan sa manga day-uhan mag-ulian kaibahan niyu ti manhandug kay anak sa diyus-diyusan si Muluk, kailangan bintukun banwa tugka sa mamatay.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Diyuturunumiyu 17:5

daraha niyu sa sabian niyu banwa inda pag tawu ti nagbuwat daut ag bintukun tugka sa mamatay.

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 29:25

“Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Hibriyu 10:28

Ti tawu nu naglabag sa Kasuguan ni Muysis udyi pagkaawaan. Nu may duwa una tulu ka kastigus magpatutuu laban sa kanya pihu siya matyun.

Huswi 23:16

Tutuu, mangyari inda sa kanyu nu lumabag kamu sa kasunduan Panginuun niyu Diyus isinugu niya tupadun niyu, ag nu mansamba kamu ag sumirbi sa iba pag manga diyus. Ipadara gid niya sa kanyu kay pangagalit ag rargu kamu midamhak sa siyun pag marinu daga ipinakaun niya sa kanyu.”

Huswi 7:11

Nagsalan ti Israil; linabag nida kang kasunduan. Namuul sida manga bagay ihinandug yi buu sa kangku. Tinakaw nida inda, nagpudil sida tungkul sa inda, ag ipinaamut nida inda sa kanda manga kasiyunan.

Huswi 7:15

Ti itudlu niku pag tawu nanagu manga bagay ihinandug yi buu sa kangku sunugun kaibahan kay magtal-anakan hanggan ti tanan niya kasiyunan. Dahil linabag niya kang kasunduan, ag nagbuwat siya kakay-ahan sa Israil.’ ”

Talaghusay 2:20

Nakan lalu waya gid nagalit ti Panginuun sa kanda. Magkun ti Panginuun, “Dahil linabag tunda pag nasyun kang kasunduan sa kanda manga ginurang, ag unman sida nagsunud sa kangku,

Talaghusay 6:31

Nagsagut si Huas sa manga tawu magkagalit masangputan sa kanya, “Mag-aratwan aw lugud kamu para sa kan Baal? Pagkampihan gid aw lugud niyu siya? Ti magkampi sa kan Baal imaw ti dapat matyun sa inda pag daga. Nu si Baal tutuu gid pag Diyus, dapat iribri niya kay sadili sa nagdaut sa kay harandugan.”