Diyuturunumiyu 17:18 - Hanunuu

¹⁸ “Nu magtukaw siya sa tukawan hari bilang hari, kailangan kupyahun niya inda pag manga kasuguan para sa kay sadili sa atubangan manga manughandug Balay Diyus, manga lahi ni Libi.

Diyuturunumiyu 17:18 Iomraidhean Croise

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

2 Hari 11:12

Ipinalwang ni Hihuyada si Huas ti anak hari ag kinurunahan. Pinakan-an niya siya kupya hanggan manga surundanun tungkul sa pagdumara hari, ag ibinarita siya ti hari. Pinayidan siya lana ulibu bilang pagkilala siya ti hari. Pagkatapus nagpalakpakan ti manga tawu ag namaragritan, “Mabuhi ti hari!”

2 Hari 22:8

Magsabi si Hilkiyas sa takinan manga manughandug sa kan Sapan pag manugsurat, “Nakitan niku ti Ribru Kasuguan sa Balay Diyus Panginuun.” Ipinakaun ni Hilkiyas ti ribru sa kan Sapan ag binasa niya inda.

2 Krunika 34:15

Ibinarita niya sa kan Sapan, imaw ti manugsurat hari, kuntay nakitan niya ti Ribru Kasuguan sa Balay Diyus Panginuun. Pagkatapus, ipinakaun niya inda sa kan Sapan,

Diyuturunumiyu 31:9

Isinurat ni Muysis inda pag manga sugu ag ipinakaun sa manga manughandug Balay Diyus manga lahi ni Libi, ti tagadara Kaban Kasunduan Panginuun, hanggan sa tanan takinan Israil.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.