Diyuturunumiyu 17:17 - Hanunuu

¹⁷ Unman mahimu mayamu kay asawa dahil barang tumalang siya gin sa Panginuun. Ag balaw dapat siya mag-apu sa mayamu pag pilak ag gintu.

Diyuturunumiyu 17:17 Iomraidhean Croise

Gimpuunan 2:24

Inda kay dahilan nu hayga tayakan lalaki kay ama hanggan kay ina, hampay pumausa ti lalaki sa kay asawa, dahil sida inusa yi.

2 Samwil 12:11

“Indaay waya ti sinabi Panginuun: May usa sa kanmu magtal-anakan ti lumaban sa kanmu. Ipakaun niku kanmu manga asawa sa tunda pag tawu ag ulidun niya sida sa mag-akitan manga tawu.

2 Samwil 5:13

Pagka napasalyu si Dabid sa Hirusalim ginan sa Hibrun, mayamu waya gid kay naasawa; kay iba sa kanda manga suruguun niya, ag nadugangan waya gid kay manga anak.

1 Hari 10:21

Ti tanan pag irinman ni Hari Sulumun lunsay gintu, ag ti tanan pag kagamitan baliwa sa balay hari pag-ingarnan Kapuruan Libanun pudu diman gintu. Balaw inda binwat sa pilak dahil diit lang kay bili sa pilak sa udas ni Sulumun.

1 Hari 10:27

Pagka sa udas siya ti hari, ti pilak sa Hirusalim ga parihu lang sa karaniwan manga batu, ag ti kayu sidru ga parihu ka abunda sa karaniwan pag manga kayu sikumuru sa manga kabantudan sa isalpan.

1 Krunika 14:3

Ati sa Hirusalim, mayamu waya gid ti inasawa ni Dabid, ag nadugangan waya gid kay manga anak.

2 Krunika 1:15

Katpung siya ti hari, ti pilak ag gintu sa Hirusalim ga urungan wadi manga batu, hanggan ti kayu sidru parihu kay kayamu sa urungan manga kayu sikumuru sa manga tagudtud sa isalpan.

2 Krunika 11:21

Mas pagmahalun ni Rihubuam si Maaka kaysa iba niya manga asawa. May 18 ka asawa si Rihubuam bag-u may 60 waya gid siya ka asawa panawuhun. Ag kay manga anak 28 ka lalaki ag 60 ka babayi.

Nihimyas 13:26

Magkun aku sa kanda, “Balaw aw inda kay dahilan nakan nagkasala si Sulumun ti hari Israil? Unman may hari pumarihu sa kanya, una naan pag nasyun. Pagmahalun siya niya Diyus, ag binwat siya Diyus hari sa buu Israil. Dapat madi katida, nagkasala siya dahil sa paturun niya manga asawa day-uhan.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kabagawan 31:3

pag-uyanga kanmu kabisugan hanggan kuwarta sa manga babayi, dahil sida ti dahilan pagkadamhak manga hari.

Malakyas 2:15

Balaw aw lugud pinagkarausa yi kamu Panginuun sa bilug hanggan sa ispiritu hampay kanya yi kamu? Hayga mininsan niya kamu? Dahil gustu niya magkaanak kamu manga matinupadun sa Diyus. Nakan pihua gid niyu unman niyu dayaun kanyu asawa kanyu pinaminsanan sa katpung kan-akan waya kamu.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Matiyu 19:5

Magkun siya, ‘Inda kay dahilan nu hayga tayakan lalaki kay ama hanggan kay ina, hampay pumausa ti lalaki sa kay asawa, dahil sida inusa yi.’

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.