Diyuturunumiyu 17:16 - Hanunuu

¹⁶ Kanyu hari balaw mahimu manipun mayamu pag manga kabayu, ag balaw niya ipaatag kay manga tawu sa Ihiptu hampay mamili manga kabayu, dahil ti Panginuun niyu Diyus nagsabi sa kanyu danga yi gid kamu magbalik atabug.

Diyuturunumiyu 17:16 Iomraidhean Croise

2 Samwil 8:4

Naagaw nida ni Dabid ti 1,000 niya ka kalisa, 7,000 ka manugkalisa, hanggan 20,000 sundalu. Pinamiang nida ni Dabid ti manga kabayu magguyud manga kalisa, purya lang sa 100 ka kabayu kanda sinawadan hampay kanda gamitun.

1 Hari 1:5

Taynguna, si Aduniyas kay anak ni Dabid sa kan Hagit magpadayaw siya ti dumasun pag hari. Nakan nag-alistu siya manga kalisa, manga kabayu, hanggan 50 ka tawu mag-una sa kanya kay taga guwardiya.

1 Hari 4:26

May 40,000 kuwadra si Sulumun para sa kay manga kabayu pankalisa, ag may 12,000 siya ka manugkabayu.

1 Hari 5:6

“Nakan pagsugu kawu sa kanmu manga panawuhun pagpulud manga kayu sidru sa Libanun para sa kangku. Ipaawat niku sa kanda kang manga tawuhan, ag upahan niku kanmu manga tawuhan angay sa gustu nimu. Dahil alam diman nimu unman gid atay sa kanmi may mahusay magpulud manga kayu parihu sa kanmu manga tawuhan taga Sidun.”

2 Krunika 1:16

Kay manga kabayu ni Sulumun ginan waya sa Ihiptu hanggan sa Silisya. Binili tunda niya manga manugbili sa Silisya sa kang-ud pag halaga.

2 Krunika 9:25

May 4,000 ka tudir si Sulumun para sa kay manga kabayu hanggan manga kalisa. May 12,000 siya ka kabayu ipinauli niya sa manga banwa sa palaulian niya manga kalisa, kay iba ati sa kanya sa Hirusalim.

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Pag-ighit 13:17

Pagka pinaighit yi hari Ihiptu ti manga Israilita, unman sida ipinalakaw Diyus sa dalan atag sa daga manga Pilistiyu, una tida ti pinakaarani pag dalan. Dahil magkun ti Diyus, “Nu may atubangun girahan ti manga Israilita, barang bumag-u waya kanda isip ag bumalik sida sa Ihiptu.”

Pag-ighit 13:18

Nakan ipinaliku sida Diyus sa pangawakawaan atag sa Dagat Marara. Armadu ti manga Israilita para sa girahan pagka nighit sida ginan sa Ihiptu.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Isayas 2:7

Abunda sa pilak ag gintu ti daga Israil, balaw magkatabu kanda kayamanan. Mayamu kanda kabayu, ag balaw mabilang kanda manga kalisa.

Hirimyas 42:19

“Kamu pag manga magkasawad taga Huda, pagsabihun Panginuun kuntay danga kamu mag-atag sa Ihiptu. Tandai gid niyu inda ti pasandam kang pagsabihun sa kanyu taynguna.

Isikil 17:15

Dapat naglaban ti hari Huda sa hari Babilunya sa panab-anan pagpadara manga tawu sa Ihiptu sa pagbuul manga kabayu ag mayamu manga sundalu. Manalu aw nguna siya? Makapalagiw aw nguna siya ag makaribri sa parusa sa paglabag niya sa kay kasunduan sa Babilunya?

Husyas 11:5

Dapat dahil balaw nida gustu bumalik sa kangku, pihu bumalik sida sa Ihiptu, ag pangunahan sida Asirya.

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Mikas 5:10

Magkun ti Panginuun, “Sa ati pag sirang, ipamatay niku kanyu manga kabayu ag dautun niku kanyu manga kalisa.

Diyuturunumiyu 28:68

Pabalikun kamu Panginuun sa Ihiptu sakay sa barku, una nagtaratu siya sa kanyu unman yi gid kamu pabalikun ati. Ipabili niyu kanyu sadili sa kanyu kalaban bilang manga suruguun, dapat unman may mamili sa kanyu.”

1 Samwil 8:11

Magkun siya, “Kaindaay ti buwatun hari pumanguna sa kanyu: Bul-un niya kanyu manga anak lalaki ag buwatun niya sundalu. Ti iba buwatun niya manugkalisa, manugkabayu ag ti iba umuna sa manga manugkalisa niya.