Diyuturunumiyu 16:4 - Hanunuu

⁴ Kailangan unman may makitan pamadaka tinapay sa kanyu manga balay sa buu nasyun sa sulud pitu ka sirang. Ag kailangan ti taguban pag ihandug sa maghugut marukirum sa un-an pag sirang danga may sawad igu surip.

Diyuturunumiyu 16:4 Iomraidhean Croise

Pag-ighit 12:10

Tabuhun niyu inda, ag nu may masawad sa surip, sunuga yi.

Pag-ighit 12:15

Sa sulud pitu ka sirang, kumaun kamu tinapay unman may pamadaka. Sa un-an pag sirang, bul-a niyu ti tanan pamadaka sa kanyu balay, dahil una si unu ti kumaun tinapay may pamadaka ginan sa un-an tugka sa ikapitu pag sirang balaw yi sakup sa Israil.

Pag-ighit 12:6

Alagaun niyu inda tugka sa malambung ika-14 pag sirang sa inda pag bulan, dahil sa ati pag udas iyawun buu kalamalayan Israil inda pag manga hayup.

Pag-ighit 12:8

Sa ati pag yabi, kanyu kan-un sinugba karanidu, marapait pag urupiun hanggan tinapay unman may pamadaka.

Pag-ighit 13:7

Danga gid kamu magkaun tinapay may pamadaka sa sulud pitu ka sirang, kailangan unman gid may makitan pamadaka una naan asan sa kanyu rugar.

Pag-ighit 23:18

“Danga kamu maghandug dugu sa kangku kaibahan tinapay may pamadaka. Danga kamu magsawad para sa aldaw pag surip taba hayup ihinandug sa kangku sa pista.

Pag-ighit 34:25

“Danga kamu maghandug sa kangku dugu may lakay tinapay may pamadaka. Danga diman kamu magsawad taguban para sa sunud pag sirang kanyu ihinandug sa udas Pista Pag-alaala sa Karibrihan.

Matiyu 13:33

Nagtultul si Hisus usa maan ka pahalimbawa magkun, “Ti kaharian langit parihu ga pamadaka sa tinapay ilinakay babayi sa tulu ka pulak arina bag-u naglabtug kay buu pinkul arina.”

Diyuturunumiyu 16:5

“Ti ihandug niyu pag hayup bilang pag-alaala sa Pista Pag-alaala sa Karibrihan danga niyu pagsagdahan una naan pag banwa ti ipinakaun sa kanyu Panginuun niyu Diyus,