Diyuturunumiyu 16:3 - Hanunuu

³ Kan-un niyu inda kaibahan ti tinapay unman may pamadaka. Sa sulud pitu ka sirang magkaun kamu tinapay unman may pamadaka parihu sa kanyu binuwat pagka kamu mag-apura mighit ginan sa Ihiptu. Kan-a niyu inda pag tinapay tanda sa kanyu manga pag-agwantahun, hampay maalaala niyu sa buu niyu buhi ti udas nagluwas kamu sa Ihiptu.

Diyuturunumiyu 16:3 Iomraidhean Croise

1 Hari 22:27

Ag sabihun niyu sa kanda nagsugu aku kuntay pirisuha inda pag tawu. Tinapay ag danum lang ti ipakaun sa kanya tugka sa makabalik aku may kahusayan ginan sa labanan.”

Kanta 102:9

Balaw yi aku makakaun nu unman matukawan wadi sa dapug ag maglumi,

Kanta 111:4

Pag-ipaalaala gid niya sa kanta kay makadululaw pag manga binwat. Marapakaun siya ag maawaun;

Kanta 127:2

unman diman may kabuluhan ti pag-ipulaw surip waya ag ti magkaturug yabi yi sa magtarabahu hampay may makaun. Dahil ti Panginuun imaw ti magpakaun manga pangailangan niya manga pagmahalun, una waya magkaturug sida.

Pag-ighit 12:11

Sa kanyu magkaun, kailangan alistu yi kamu umighit. Isulung yi niyu kanyu manga lapak ag pag mahiyaptan yi sa kanyu sugkud. Kadali kamu magkaun. Inda ti Pista Pag-alaala sa Karibrihan kailangan alalahanun niyu bilang pagkilala sa kangku.

Pag-ighit 12:17

“Idaus niyu ti Pista Tinapay Unman may Pamadaka, dahil magpaalaala inda sa kanyu katpung ipinalwas niku kanyu buu nasakupan ginan sa Ihiptu. Idaus niyu inda hanggan aban bilang surundanun kailangan niyu tupadun tugka sa sunud pag manga sinulput tawu.

Pag-ighit 12:39

Pagka pinmat-ung sida hampay mangaun, tinama nida ti tinapay unman may pamadaka ginan sa kinamas arina kanda dara ginan sa Ihiptu. Unman inda napaulian pamadaka dahil pag-apurahun yi sida pagpaighitun manga Ihipsiyu ag udyi sida may udas mag-alistu kanda karan-unun.

Pag-ighit 12:8

Sa ati pag yabi, kanyu kan-un sinugba karanidu, marapait pag urupiun hanggan tinapay unman may pamadaka.

Pag-ighit 34:18

“Idaus niyu ti Pista Tinapay Unman may Pamadaka. Angay sa kang pag-isugu sa kanyu, pagkaun kamu tinapay unman may pamadaka sa sulud pitu ka sirang. Buwata niyu inda sa itinagka pag udas sa bulan Abib, dahil tida pag bulan kamu pag nakalwas sa Ihiptu.

Isayas 52:12

Dapat taynguna, balaw yi niyu kailangan mag-apura sa pag-ighit, ga maglayas. Dahil Panginuun ti mag-una sa kanyu. Ti Diyus Israil ti bumaliwa sa kanyu.

Libitiku 23:6

Ag sa ika-15 pag sirang sa tunda diman pag bulan, umumpisa waydi ti Pista Tinapay Unman may Pamadaka. Pitu ka sirang inda pag pista, ag sa tunda pag manga sirang kanyu kan-un pag tinapay unman diman may pamadaka.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Bilang 28:17

Sa ika-15 pag sirang umumpisa ti pitu ka sirang pag pista. Ag sa sulud pitu ka sirang kailangan kanyu kan-un pag tinapay, unman may pamadaka.

Bilang 9:11

Idaus nida inda pagkalawuy usa ka bulan, sa ikadwa pag bulan sa ika-14 pag sirang sa mag-isalup init. Mangaun sida tinama taguban karanidu kaibahan tinapay unman may pamadaka hanggan mapait pag urupiun.

Lukas 22:19

Nagpunpun siya tinapay, kanya dap ipinasalamat sa Diyus bag-u pinikapika bag-u ipinakaun sa kanda. Kay sinabi, “Inda kang bilug pag-ipakaun sa kanyu. Buwata niyu inda sa pag-alaala sa kangku.”

1 Kurintu 5:8

Nakan ngani tun-anun nita ti kapistahan. Dayi kita sa tinapay may daan pamadaka, imaw ti kasalanan hanggan daut pag naisipan. Pagkaun kita sa tinapay unman may pamadaka. Kay ibug sabihun pagmalumpiyu kanta naisipan, pag may katutuuhanan.

Diyuturunumiyu 16:2

Paghandug kamu karanidu ngatay baka bilang pag-alaala sa Pista Pag-alaala sa Karibrihan. Ihandug niyu inda para sa Panginuun niyu Diyus ati sa kay piliun pag rugar nu naan pagdayawun siya.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

Huswi 4:7

tultulan niyu sida kuntay inmapas kay magbulus ti Sapa Hurdan pagka idinipay ti Kaban Kasunduan Panginuun. Inda pag batu usa ka alaala para sa nasakupan Israil tugka aban.”