Diyuturunumiyu 16:19 - Hanunuu

¹⁹ Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 16:19 Iomraidhean Croise

Kanta 15:5

Magpautang siya unman may tubu, unman siya magtanggap suhul agud kumastigus laban sa unman may kasalanan.” Ti magbuwat katunda rumig-un kay kahamtangan hanggan waya aban.

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Pag-ighit 23:2

“Danga kamu magpausa sa kayamuan sa magbuwat kadautan. Nu mangastigus kamu sa usa ka kasu danga pag likua ti katadlungan hampay lang masunud ti pagsabihun kayamuan.

Pag-ighit 23:3

Danga pagpaangayi ti kasu manga makuri dahil lang sa kanda kahamtangan.

Kabagawan 15:27

Ti tawu maramuun sa kayamanan sa daut pag paraan, magdara gulu sa kay magtal-anakan. Ti tawu balaw magtanggap suhul lumawig kay buhi.

Kabagawan 17:23

Ti daut pag tawu magtanggap suhul hampay balaw miburayhaw ti katadlungan.

Kabagawan 18:5

Balaw mayad tigkampi sa nagkasala ag ti unman pag-ayaw katadlungan sa unman may kasalanan.

Kabagawan 24:23

Inda waya gid ti iba ka manga kabagawan madunung pag tawu: Balaw mayad ti may pagpiliun sa pagpihu sa katadlungan.

Kabagawan 24:28

Danga kawu magkastigus sa kanmu kaparihu sa unman may kadahilanan, ngatay magbagaw kapudilan laban sa kanya.

Kabagawan 31:5

Dahil nu malangu yi sida, magkalimut sida sa manga kasuguan, ag paglapastanganun nida ti karampatan manga pugri.

Manugtudlu 7:7

Pihu bumaliw parihu sa unman may intindi ti madunung pag tawu nu mandaya siya. Nu mananggap kawu lamisada pagdautun lang nimu kanmu kagalangan.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 33:15

Ti makapadugay tunda lang pag manga tawu magkabuhi matadlung ag balaw magpudil. Balaw maramuun sa kuwarta aw ngatay magtanggap pabagsak. Balaw sida magpausa sa manugmatay tawu ag balaw magbuwat iba waya pag manga daut buruwatun.

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Isikil 18:8

Unman siya magpatubu nu magpautang siya. Unman siya magbuwat daut, ag unman siya may pagkampihan sa kay pagpihu.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Libitiku 19:15

Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

Binwat 10:34

Bag-u nagpaliwanag si Pidru magkun, “Taynguna duy lubus naintindihan niku unman gid mag-api ti Diyus.

Binwat 16:37

Dapat ay, sinabi ni Pablu sa manga pulis magkun, “Unman may nakitan sida buwat daut sa kanmi, dapat kanda ipinahampak kami sa atubangan kayamuan tawu bag-u kanda waya ipinapirisu kami. Manga nasakupan paman kami Ruma. Bag-u aw lugud kami ipalpas sa lihim? Dayu gid mahimu. Kailangan sida ti pagsitay hampay sida ti kipalpas sa kanmi.”

Binwat 23:3

Bag-u sinabi ni Pablu sa kanya magkun, “Pihu kawu sampalun waydi Diyus, kawu ga lingub binarnisan malagti. Matukawan kawu asan pumihu mana sa kasalanan niku angay sa Kasuguan. Bati ipinasampal nimu aku, madi labag tunda sa Kasuguan?”

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Diyuturunumiyu 16:18

“Pagpauli kamu manga manughusay hanggan manga takinan sa kada niyu lahi sa tanan banwa pag-ipakaun sa kanyu Panginuun niyu Diyus. Sida ti manhusay sa manga nasakupan sa balaw may pagpalabihun.

Diyuturunumiyu 24:17

“Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”

Diyuturunumiyu 27:25

“Saadan ti magtanggap suhul hampay manmatay sa unman may salan pag tawu.” Bag-u sumagut ti tanan tawu, “Amin!”

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”

1 Samwil 8:1

Pagka gurangun yi si Samwil, kay manga anak maan kay pinili takinan Israil.

1 Samwil 8:3

Dapat ti ugali niya manga anak balaw parihu sa kanya, maraibgun sida sa kuwarta, magpasuhul ag balaw nida pag-ilantag ti katadlungan.