Diyuturunumiyu 16:16 - Hanunuu

^16-17 “Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.

Diyuturunumiyu 16:16 Iomraidhean Croise

1 Hari 9:25

Katlu ginan kada timpu, maghandug si Sulumun manga handug pagsunugun ag manga handug para sa mayad pag pakiusa ati sa harandugan niya ipinabwat para sa Panginuun. Magsunug diman siya kamangyan sa atubangan Panginuun. Nakan natapus ni Sulumun ti pagpatindug sa Balay Diyus.

2 Krunika 8:13

Tinupad niya ti sugu ni Muysis kuntay maghandug angay sa dapat ihandug sirang-sirang ag sa panahun Sirang Pamahari, sa Pista Lapus Lati, ag sa inda pag tulu ka pista pag-idaus timpu-timpu: ti Pista Tinapay Unman may Pamadaka, ti Pista Tig-arani, ag ti Pista Pagpatindug manga Payag.

Isra 3:1

Pagka nagras-ug yi ti ikapitu pag bulan, katpung mag-ulian yi ti manga Israilita sa kanda manga banwa, nagtiripun sida tanan sa Hirusalim may pagkarausa.

Nihimyas 8:15

Kailangan nida ipaalam sa Hirusalim hanggan sa iba waya nida manga banwa ti sugu Panginuun kuntay umati sida sa kabantudan ag bumuul manga sanga ulibu, mirtu, palma hanggan manga sanga maraybung pag kayu hampay buwatun manga payag, angay sa nakasurat sa Kasuguan.

Kanta 122:4

Sitay pag mag-atag ti manga linahi Israil hampay dayawun ti Panginuun angay sa kay itinudlu sa kanda.

Kanta 84:7

Lalu di gid sida magbisug habang maglakaw, tugka sa makaras-ug ti kada usa sa atubangan Diyus ati sa Siun.

Kanta 84:8

Panginuun Diyus Makamaskihan, Diyus ni Hakub, patingihi kang darangin!

Kanta 96:8

Ipakaun sa Panginuun ti angay sa kanya pag manga pagdayaw, pagdara kamu handug sa kanyu pagsaka sa kay Balay.

Pag-ighit 34:20

Mahimu lukatun ti panganay lalaki manga asnu niyu kay balyu karanidu. Dapat nu balaw lukatun kailangan matyun ti asnu bariun kay liug. Mahimu diman niyu lukatun ti manga panganay niyu anak lalaki. “Unman may makapakarani sa kangku unman may dara handug.

Pag-ighit 34:24

Palayasun niku ti manga nasakupan sa pag-ipakaun niku pag daga sa kanyu, padakaun niku kanyu magkaakupahan. Ag unman may gumira sa kanyu ngatay sumakup sa kanyu nasyun sa udas pumakarani kamu sa kangku, ti Panginuun niyu Diyus, sa inda pag tulu ka pista kada timpu.

Isayas 23:18

Dapat aban sa uryan, kay kitaun balaw yi niya ibutang. Ihandug yi niya inda sa Panginuun hampay panbili mayamu karan-unun ag manga marinu pag kalasi rutay para sa manga magsirbi sa Panginuun.

Isayas 33:20

Bantayi niyu ti Siun, imaw ti Hirusalim, ti banwa pagdausan nita manga pista. Makitan niyu tunda may kahusayan pag rugar ag marinu ulian. Parihu tunda sa mapag-un pag turda kay manga patuk balaw magabut hanggan kay higut balaw mabugtas.

Hagay 1:9

Magkun waya gid ti Panginuun Makamaskihan, “Magsarig kamu mauya pag tubas dapat pira-pira wata kanyu naani. Ag dinaut waya niku inda pagka dinara niyu tabug sa kanyu balay. Binwat niku inda dahil kangku pag Balay daut, dapat ti kada usa sa kanyu balaw may pahuyang sa pagbuwat kanyu balay.

Matiyu 2:11

Pagka nagsaka sida sa balay, nakitan nida ti anak hanggan kay ina si Marya. Nagyuk-ub sida nagsamba sa anak. Pagka binukasan nida kanda kayamanan, ipinakaun nida sa kanya kanda dara gintu, kamangyan hanggan mira.

Markus 12:3

Dapat bin-ul nida ti panawuhun, kanda binakul bag-u pinauli ud may dara.

Huwan 7:2

Ati katpung arani yi ti Kapistahan manga Hudiyu, ti Kapistahan sa manga Payag.

Diyuturunumiyu 16:15

Sa sulud pitu ka sirang pag-alalahanun niyu inda pag Pista pagdayaw sa Panginuun niyu Diyus sa rugar kay piliun. Dahil papaladan Panginuun niyu Diyus ti tanan niyu ani hanggan ti tanan niyu pagbuwatun, ag paglubus gid kanyu kabayaan.

Diyuturunumiyu 31:11

basaha niyu inda pag manga sugu sa tanan Israilita nu magtiripun sida sa atubangan Panginuun niyu Diyus sa piliun niya pag rugar.

1 Samwil 1:3

Kada timpu mag-atag si Ilkana hanggan kay magtal-anakan sa Silu hampay mansamba ag manhandug sa Panginuun Makamaskihan. Ti duwa ka anak ni Ili sida ni Hupni ni Piniis imaw ti manga manughandug Panginuun ati sa Silu.

1 Samwil 6:3

Sinmagut sida, “Nu iuli niyu ti Kaban Diyus Israil, kailangan paibahan niyu inda manga handug bayad sa kasalanan. Sa panab-anan inda, umayad kamu ag maalaman niyu nu hayga kamu pinarusahan.”