Diyuturunumiyu 16:15 - Hanunuu

¹⁵ Sa sulud pitu ka sirang pag-alalahanun niyu inda pag Pista pagdayaw sa Panginuun niyu Diyus sa rugar kay piliun. Dahil papaladan Panginuun niyu Diyus ti tanan niyu ani hanggan ti tanan niyu pagbuwatun, ag paglubus gid kanyu kabayaan.

Diyuturunumiyu 16:15 Iomraidhean Croise

Nihimyas 8:17

Tanan sida ti nakabalik ginan sa pagkabihag namuwat manga payag ag ati pag nuli. Unman waya nida nabuwat ti kainda katpung umpisa panahun ni Huswi kay anak ni Nun; subra gid kanda kabayaan.

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Diyuturunumiyu 12:5

bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.

Diyuturunumiyu 16:10

Bag-u alalahanun niyu ti Pista Tig-arani sa pagdayaw sa Panginuun niyu Diyus sa panab-anan niyu buluntad pag manga handug angay sa manga papalad kanyu natanggap ginan sa Panginuun niyu Diyus.

Diyuturunumiyu 16:14

Pagbaya kamu sa pag-alaala sa inda pag pista kaibahan kanyu manga anak, manga suruguun, manga Libita, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:16

“Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.

Diyuturunumiyu 30:16

Pagsuguun niku kamu kainda mahala niyu ti Panginuun niyu Diyus, pagpangabuhi kamu angay sa kay manga palakaw, ag pagsunud sa kay manga sugu hanggan surundanun. Nu buwatun niyu inda, mangabuhi kamu dugay ag yumamu, bag-u papaladan kamu Panginuun niyu Diyus ati sa ulianan ag apuun niyu pag daga.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.