Diyuturunumiyu 16:14 - Hanunuu

¹⁴ Pagbaya kamu sa pag-alaala sa inda pag pista kaibahan kanyu manga anak, manga suruguun, manga Libita, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:14 Iomraidhean Croise

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Huwil 1:16

Nakitan yi nita nu kabitay kita naduraan karan-unun ag nu kabitay nadura ti kasulungan sa Balay Diyus.

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Diyuturunumiyu 14:29

Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:15

Sa sulud pitu ka sirang pag-alalahanun niyu inda pag Pista pagdayaw sa Panginuun niyu Diyus sa rugar kay piliun. Dahil papaladan Panginuun niyu Diyus ti tanan niyu ani hanggan ti tanan niyu pagbuwatun, ag paglubus gid kanyu kabayaan.

Diyuturunumiyu 26:11

Bag-u pagbarayaan kamu dahil sa mayad pag manga bagay ti pag-ipakaun Panginuun niyu Diyus sa kanyu hanggan sa kanyu magtal-anakan. Iminsan diman niyu sa kanyu mag-alaala ti manga Libita hanggan ti manga day-uhan mag-uli kaibahan niyu.

1 Tisalunika 5:16

Pagbaya kamu pirmi.