Diyuturunumiyu 15:20 - Hanunuu

²⁰ Bagkus ngap, kan-un niyu inda hanggan nimu magtal-anakan sa atubangan Panginuun niyu Diyus sa kay piliun pag rugar. Imaw inda kanyu buwatun kada timpu.

Diyuturunumiyu 15:20 Iomraidhean Croise

Libitiku 7:15

Nu ti handug para sa mayad pag pakiusa kay ihandug bilang pasalamat sa Panginuun, tunda pag taguban kailangan kan-un manughandug hanggan niya magtal-anakan ag manga manughandug sa tunda diman pag sirang paghandug; kailangan balaw yi umaput surip.

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:14

Ihandug lang niyu inda sa piliun Panginuun pag rugar sa usa sa kanyu lahi, ag ati pagbuwata niyu ti tanan isinugu niku sa kanyu.

Diyuturunumiyu 12:17

Kailangan danga diman niyu pagkan-a sa kanyu manga banwa inda pag manga magkasunud-sunud: ti ikasampulu niyu ani, ti irinmun ubas ag lana ulibu, ti anak panganay niyu manga hayup, una hintay ti itinaratu ihandug hanggan manga pamakaun, hanggan ti buluntad niyu pag manga handug.

Diyuturunumiyu 14:23

Daraha niyu ti ikasampulu pag bahagi tirigu, irinmun ubas, lana ulibu, hanggan ti panganay niyu manga hayup sa piliun Panginuun niyu Diyus pag rugar nu naan pag dayawun siya. Bag-u ati niyu pag kan-a sa kay atubangan. Buwatun niyu inda hampay maanad kamu magsunud pirmi sa Panginuun niyu Diyus.