Diyuturunumiyu 14:29 - Hanunuu

²⁹ Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 14:29 Iomraidhean Croise

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Kanta 41:2

Baliwahan siya Panginuun ag alagaan kay buhi. Papaladan siya Panginuun sa daga Israil; balaw siya ipahintulut sa kay manga kalaban.

Kanta 94:6

Ipinamatay nida ti manga buranday pag babayi, hanggan ti manga ulila, ag ti manga day-uhan.

Kabagawan 11:24

Ti maraayaw pag tawu lalu di magyamu kanda kayamanan, dapat ti manga makasadili lalu di magkuri.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Libitiku 19:34

Tanggapa niyu sida bilang ga kanyu kaparihu, ag mahala niyu sida parihu sa kanyu magmahal sa kanyu sadili, dahil manga day-uhan diman kamu kaybi sa Ihiptu. Aku ti Panginuun kanyu Diyus.

Bilang 18:20

Magkumun waya gid ti Panginuun sa kan Aarun, “Kamu pag manga manughandug unman may manahun daga sa Israil, dahil aku di ti mangayaw kanyu pangailangan.

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Diyuturunumiyu 10:9

Nakan ngani ti manga lahi ni Libi unman may bahagi ngatay minana daga parihu sa natanggap nida kaparihu manga Israilita. Ti Panginuun imaw ti kanda bahagi angay sa sinabi Panginuun niyu Diyus.

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Diyuturunumiyu 14:27

Danga diman niyu pagkalimti ti manga Libita mag-uli sa kanyu manga banwa, dahil unman sida may minana daga.

Diyuturunumiyu 15:10

Pag-ayaw kamu sa kanya sa buluntadan. Nu buwatun niyu inda papaladan kamu Panginuun niyu Diyus sa tanan niyu pagbuwatun.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:14

Pagbaya kamu sa pag-alaala sa inda pag pista kaibahan kanyu manga anak, manga suruguun, manga Libita, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 23:21

“Nu manaratu kamu sa Panginuun niyu Diyus, danga pagpadugaya sa pagtupad, dahil pihu gid suktun kamu Panginuun niyu Diyus, ag magkasala kamu sa balaw niyu pagtupad.

Diyuturunumiyu 28:8

Papaladan Panginuun niyu Diyus ti tanan niyu pagbuwatun ag pun-un niya manga inani kanyu manga haramnuan. Papaladan niya kamu ati sa pag-ipakaun niya pag daga sa kanyu.

Diyuturunumiyu 6:11

May manga balay diman ati punu mayad pag manga bagay balaw kamu ti nagbudlay, may manga bubun balaw kamu ti nagkutkut ag may manga taranuman ubas ag manga ulibu pag kayu balaw kamu ti nagtanum. Ag nu makakaun kamu ag mabsug,

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.