Diyuturunumiyu 14:26 - Hanunuu

²⁶ Bag-u tunda pag pilak ibili niyu sa baka, karanidu, intus ubas ag iba waya pag irinmun, ngatay una hintay kanyu pagkaibgan. Bag-u kan-a niyu magtal-anakan inda sa atubangan Panginuun niyu Diyus ag pagbaya.

Diyuturunumiyu 14:26 Iomraidhean Croise

Isra 7:22

Ayawi niyu siya tugka sa 3,500 ka kilu pilak, 300 ka saku tirigu, 550 ka galun intus, 550 ka galun lana ulibu, ag una kabitay kayamu pag asin kailangan.

Kanta 106:14

Ati sa pangawakawaan, sinubukan nida ti Diyus dahil sa kanda masyadu pag pangaibugun sa karan-unun.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Matiyu 21:12

Sinmaka si Hisus sa Balay Diyus. Tinulak niya sa karagasyun ti manga magbili, manga magpabili sa sulud Balay Diyus. Linikwang niya ti manga burugtangan kuwarta manga manugbalyu hanggan ti manga tukawan manugtinda kalampati.

Markus 11:15

Pagka rinmas-ug sida sa Hirusalim, nagsaka si Hisus sa Balay Diyus. Bag-u tinulak niya sa karagasyun ti manga magpabili manga magbili ginan sa sulud Balay Diyus. Linikwang niya ti manga burugtangan kuwarta manga manugbalyu hanggan ti manga tukawan manga manugtinda kalampati.

1 Kurintu 10:6

Inda pag manga nangyari kaybi, pasay yi manga puruyba sa kanta hampay kita balaw mag-isip tag sa kadautan, balaw ga kanda mag-isip tag sa kadautan.

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Diyuturunumiyu 12:15

“Mahimu kamu makaiyaw ag makakaun hayup una naan pag daga. Pagkaun kamu kayamu taguban, parihu sa pagkaun niyu sa usa ka karasyaw ag gasila angay sa ipinakaun Panginuun niyu Diyus pag papalad sa kanyu. Ti kada tawu makakaun inda, una siya malumpiyu ngatay mayagting.

Diyuturunumiyu 12:18

Kan-un lang niyu inda sa atubangan Panginuun niyu Diyus ati sa rugar kay piliun kaibahan kanyu manga anak, manga panawuhun, ag manga Libita mag-uli sa kanyu manga banwa. Magbarayaan kamu ati sa atubangan Panginuun niyu Diyus sa tanan niyu buruwatun.

Diyuturunumiyu 12:7

Ati kamu pag pagkaun hanggan kanyu magtal-anakan sa atubangan Panginuun niyu Diyus, ag pagbaya kamu sa tanan niyu binwat dahil pinapaladan kamu Panginuun.

Diyuturunumiyu 14:25

balyuhan niyu kanyu ikasampulu sa pilak bag-u daraha niyu inda ati sa piliun Panginuun niyu Diyus pag rugar.

Diyuturunumiyu 26:11

Bag-u pagbarayaan kamu dahil sa mayad pag manga bagay ti pag-ipakaun Panginuun niyu Diyus sa kanyu hanggan sa kanyu magtal-anakan. Iminsan diman niyu sa kanyu mag-alaala ti manga Libita hanggan ti manga day-uhan mag-uli kaibahan niyu.