Diyuturunumiyu 14:22 - Hanunuu

²² “Pasamanan niyu ti ikasampulu sa tanan niyu pag ani sa kanyu tanman kada timpu.

Diyuturunumiyu 14:22 Iomraidhean Croise

Gimpuunan 28:22

Inda duy pag batu kang ipinatindug bilang usa ka alaala pumatutuu kanmu kadayawan atay sa inda pag rugar. Ag ipakaun niku sa kanmu kang ikasampu pag bahagi sa tanan nimu ipakaun sa kangku.”

Gimpuunan 47:24

Nu man-ani kamu, pakan-an niyu sa hari ti ika-20 pag bahagi niyu ani. Ag kay sawad kanyu yi, hampay may maitanum kamu ag may kan-un kanyu buu magtal-anakan.”

Gimpuunan 47:26

Nakan binwat ni Husi ti kasuguan sa daga Ihiptu ti kada ika-20 pag bahagi ani para sa hari. Inda pag kasuguan tugka kainda pagtupadun di. Ti manga daga lang manughandug ti balaw naapu hari.

Nihimyas 10:37

Nagtaratu waya gid kami kuntay darahun nimi sa manga manughandug ti pinakamarinu pag kalasi nimi arina hanggan iba waya pag manga handug bilang pagkilala sa Panginuun, hampay ipauli sa haramnuan sa Balay Diyus. Darahun diman nimi ti pinakamayad nimi pag manga burak kayu, hanggan ti pinakamarinu pag irinmun intus ag lana ulibu. Darahun diman nimi sa manga Libita ti ikasampulu nimi manga patubas, dahil sida ti maglikum manga ikasampulu sa tanan banwa may manga katanmanan. Nu manlikum manga ikasampulu ti manga Libita,

Nihimyas 10:38

pag-ibahan sida manga manughandug ginan sa lahi ni Aarun. Ag ti ikasampulu nalikum darahun manga Libita sa haramnuan sa Balay Diyus nimi Diyus.

Malakyas 3:10

Kainda, subuki niyu aku, ti Panginuun Makamaskihan. Daran-a ti buu ikasampulu niyu atag sa balay haramnuan hampay may karan-unun sa kang Balay. Nu tupadun niyu inda, padaran-an niku kamu uran hanggan pakan-an niku kamu mayamu pag papalad.

Bilang 15:20

Paghandug kamu tinapay ginan sa bag-u niyu ginaling pag arina, parihu sa kanyu pagbuwatun sa un-an niyu ani tirigu ginan sa giriukan.

Bilang 18:21

“Nu tungkul sa manga Libita, bayadan niku sida sa kanda magsirbi sa Turda. Iayaw niku sa kanda ti tanan ikasampulu pag-iayaw manga Israilita bilang huray nida.

Bilang 18:31

Mahimu kan-un niyu hanggan niyu magtal-anakan kanyu huray una naan pag rugar, dahil tunda kanyu upa sa magsirbi sa Turda Taragbuan.

Diyuturunumiyu 12:17

Kailangan danga diman niyu pagkan-a sa kanyu manga banwa inda pag manga magkasunud-sunud: ti ikasampulu niyu ani, ti irinmun ubas ag lana ulibu, ti anak panganay niyu manga hayup, una hintay ti itinaratu ihandug hanggan manga pamakaun, hanggan ti buluntad niyu pag manga handug.

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.