Diyuturunumiyu 14:1 - Hanunuu

¹ “Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.

Diyuturunumiyu 14:1 Iomraidhean Croise

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

Gimpuunan 6:4

Ati katpung pag panahun, ag sa manga nakalawuy, may manga kilala pag manga tawu sa kalibutan ginan sa lahi manga anak Diyus ti nag-asawa mararinu pag manga babayi. Makapangyarihan sida ag kilala pag manga tawu sa un-an pag manga kapanahunan.

1 Hari 18:28

Nakan nagringgit waya gid sida mabisug ag biniyagan bangkaw hanggan baladaw kanda manga bilug angay sa urugaliun nida, tugka sa binmulus ti manga dugu.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Hirimyas 16:6

Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Hirimyas 41:5

may 80 ka lalaki atabug sa Mispa ginan sa Sikim, sa Silu, ag Samarya. Kinidkid nida kanda manga bungut, ginitas kanda manga rutay ag biniyagan kanda manga bilug hampay ipakakit naghimanglaw sida. May manga dara sida handug hampay pagdayawun ti Panginuun ag manga kamangyan hampay ihandug sa Balay Diyus Panginuun.

Hirimyas 47:5

Ti manga taga Gasa mamakidkid, puruyba sa paghimanglaw nida, ag ti manga taga Askalun unman mag-ingay sa karukuan. Kamu pag manga nasakupan sa karatagan, tugka kapira niyu biyagan kanyu sadili hampay ipakakit kanyu karukuan?

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Libitiku 21:5

Nu manruku kamu sa namatay, danga niyu pagkurida kanyu buhuk aw ngatay puldan kanyu bungut, aw ngatay biyagan kanyu bilug.

Huwan 1:12

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Ruma 8:16

Ti Ispiritu ngani tigpatutuu minsan sa kanta tagipusuun kuntay kita manga anak Diyus.

Ruma 9:26

Nu naan sida pagsabihun magkun, ‘Kamu bukun Nasyun niku’, siyun ngap ingarnan sida manga anak Diyus buhi.”

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Ruma 9:8

Inda kay ibug sabihun, balaw tanan manga anak ni Abraham pagkilalan-un Diyus kuntay manga anak niya. Tunda lang pag manga anak inanak angay sa kay taratu Diyus imaw ti pagkilalan-un kuntay linahi ni Abraham.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Diyuturunumiyu 13:18

Tupadun inda Panginuun niyu Diyus nu sundun niyu ti tanan niku pag-ipakaun sa kanyu pag sugu kainda, ag nu bumuwat kamu matadlung sa kay magbantay.

Diyuturunumiyu 32:6

Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?

1 Tisalunika 4:13

Manga patar-ari, gustu nimi pagmaalaman niyu kay tutuu tungkul sa manga namatay yi, hampay kamu dayu maaburidu parihu sa tawu unman may pag-asa.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.

1 Huwan 5:2

Siti pag makilala nita kuntay kita magmahal sa manga anak Diyus, nu kanta pagmahalun ti Diyus ag nu tupadun diman nita kay manga sugu.