Diyuturunumiyu 13:6 - Hanunuu

⁶ “Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Diyuturunumiyu 13:6 Iomraidhean Croise

Gimpuunan 16:5

Dahil siyun, magkun si Saray sa kan Abram, “Taynguna pagka magbuduy yi si Hagar pagpuyaan yi ngap niya aku. Kawu ti dapat sisihun. Ipinakaun niku siya sa kanmu ag kawu ti kailangan magsungyaw sa kanya. Ti Panginuun yi ti humusay nu si unu sa kanta ti tama.”

2 Samwil 1:26

Magpanruku aku sa kanmu, Hunatan, patar-ari niku! Mahal gid kawu niku; kanmu pagmahal sa kangku mas subra waya sa pagmahal manga babayi.

1 Hari 18:40

Isinugu rargu ni Ilyas sa manga tawu, “Dakpa yi niyu ti manga purupita ni Baal. Kailangan unman may makapalagiw sa kanda!” Nakan dinakup ngani ti tanan purupita ni Baal ag dinara nida ni Ilyas sa may Luung Kisun ag pinanmatay.

2 Hari 11:18

Nag-ati ti tanan tawu sa balay ni Baal ag dinaut nida inda. Winayak nida ti manga harandugan, ti manga diyus-diyusan nida, ag minatay nida si Matan ti manughandug ni Baal sa atubangan manga harandugan. Namauli si Hihuyada manga guwardiya sa Balay Diyus Panginuun.

2 Krunika 15:13

Una si unu ti balaw mandangup sa Panginuun, ti Diyus Israil, matyun, anak man ngatay gurangun, lalaki man ngatay babayi.

2 Krunika 23:17

Bag-u ti tanan tawu nangatag sa simbahan ni Baal ag dinaut nida inda. Rinunut nida ti manga harandugan ag ti manga diyus-diyusan ati, ag minatay nida si Matan kay manughandug ni Baal sa atubangan manga harandugan.

Hub 31:27

Unman diman nagarya sa lihim kang tagipusuun sa pagsamba siti.

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Pag-ighit 32:27

Magkun si Muysis sa kanda, “Inda ti pagsabihun Panginuun, ti Diyus Israil, ti kada usa sa kanyu pagsabak baladaw palibuta niyu ti buu kampu, bag-u panmatya niyu inda pag manga daut tawu una kanyu waya patar-ari, kakilala ngatay kamalay.”

Kabagawan 18:24

May magkakilala unman magdugay, dapat may magkakilala diman mas higit waya kaysa magtar-arian.

Kabagawan 5:20

Anak, danga kawu magpadara mahalay pag babayi. Balaw dapat kawu magpaminsan sa iba asawa.

Hirimyas 28:15

Bag-u sinabi ni Purupita Hirimyas sa kan Purupita Hananiyas, “Hananiyas, pagpatingi kawu! Balaw kawu sinugu Panginuun, dapat pinabuyu nimu inda pag nasyun sa kapudilan nimu.

Hirimyas 28:16

Nakan inda ti pagsabihun Panginuun, ‘Madura kawu sa inda pag kalibutan. Mamatay kawu sa inda diman pag timpu dahil tinudluan nimu ti manga tawu manlaban sa kangku.’ ”

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Sakaryas 13:3

Ag nu may imaw waya magpabalhinguun purupita, kay manga gurang ti magpaandam kuntay kailangan siya matyun, dahil magbagaw siya kapudilan ag magkumun waya siya inda ginan sa Panginuun. Ag nu parargu waya gid siya magpabalhinguun bilang purupita, kay ama ag ina yi ngapu ti bumunu sa kanya.

2 Kurintu 5:16

Nakan taynguna kanmi magkilala una sa kantapu bukun yi angay sa pagkatawu lang pag ugali. Nu kaybi angay lang sa pagkatawu diman ngap ngani kanmi magkilala sa kan Kiristu, dapat taynguna udyi.

Galasya 2:4

Bilang madi may manga tawu magpabalhinguun kuntay manga patar-ari, kanda mana gustu turiun si Titu. Magpalakay-lakay waydi sida hampay sulayun nu kabitay kita irinibri ni Kiristu Hisus ginan sa Kasuguan ni Muysis. Kanda gustu kami buwatun panawuhun sa inda pag Kasuguan.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Diyuturunumiyu 11:32

sunda gid niyu ti tanan pag-ipakaun niku pag manga sugu hanggan surundanun sa kanyu taynguna pag sirang.

Diyuturunumiyu 13:2

ag nangyari kay sinabi, bag-u sumabi siya, ‘Sumunud kita sumamba sa iba pag manga diyus’ (ti manga balaw niyu kilala pag diyus),

Diyuturunumiyu 13:7

nu akitun ngani kawu niya sa pagsamba sa inda pag manga diyus pagsambahun manga tawu sa kanyu sangput ngatay manga tawu ginan sa arayu pag daga,

Diyuturunumiyu 17:12

Ti unman magtanggap sa pasya manughusay pag tawu ngatay sa manughandug Balay Diyus magsirbi sa tunda pag udas sa Panginuun niyu Diyus kailangan matyun. Kailangan duraun niyu inda pag kadautan sa Israil.

Diyuturunumiyu 18:20

Ag kailangan matyun una si unu pag purupita ti mamagaw sa panab-anan niku ngaran balaw niku pagsuguun ngatay mamagaw siya sa ngaran iba pag manga diyus.’

Diyuturunumiyu 19:19

kailangan parusahan siya parusa para mana sa namangdan. Kailangan duraun niyu inda pag kadautan sa kanyu.

Diyuturunumiyu 21:21

Kailangan bintukun siya tanan mag-uli sa banwa tugka sa mamatay. Kailangan duraun niyu inda pag kadautan sa kanyu. Nu maalaman inda tanan manga taga Israil, madala sida.

Diyuturunumiyu 22:21

darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Diyuturunumiyu 24:7

“Nu natakdan ti usa ka tawu magdakup sa kay kaparihu Israilita ag binuwat niya suruguun ngatay ipinabili niya, kailangan matyun ti nagdakup. Kailangan duraun niyu inda pag kadautan sa kanyu.

Diyuturunumiyu 28:54

Una waya ti mabuut ag maalumanay pag tawu unman yi may pangaawa sa kay patar-ari, sa kay pagmahalun pag asawa, hanggan sa kay nasawad pag manga anak.

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 8:14

pagdahan kamu balaw makapadayaw-dayaw ag makalimut sa Panginuun niyu Diyus, ti nagpalwas sa kanyu sa Ihiptu nu naan kamu pag binwat panawuhun.

Kulusas 2:4

Kang pagsabihun inda hampay una si unu balaw may pumatalang sa kanyu sa kanda manga hampang palingu.

Huswi 7:13

“Pagtindug kawu ag sabihi ti manga tawu lumpiyuha kanda sadili para sa aldaw dahil aku, ti Panginuun Diyus Israil, magkumun: ‘Kamu pag manga Israilita, may itinagu kamu manga bagay ihinandug yi buu sa kangku. Unman kamu makalaban sa kanyu manga kalaban hanggan sa unman mab-ul inda pag manga bagay sa kanyu.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 20:3

Ayinmut siya tag sa kaabasad-basadan bag-u tinalakpan ag sinusihan anghil hampay udyi siya makaluwang ag udyi makadaya sa manga nasyun tawu hanggan sa udwaya matapus ti usa ka libu ka timpu. Nu makalawuy ti usa ka libu ka timpu, palpasan maan siya ngalay-ngalay lang.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 2:13

dahil binugyahan nida siya ag nagsirbi sa kan Baal ag kan Astarut.

Talaghusay 20:13

Taynguna, pakan-an niyu sa kanmi ti manga daut pag manga taga Gibiya ti nagbuwat inda, hampay matyun nimi sida para madura inda pag kadautan sa Israil.” Dapat unman binati manga Binhaminita kanda kaparihu manga Israilita.

Talaghusay 5:8

Pagka nansamba ti manga Israilita sa manga bag-u diyus, rinmas-ug sa kanda ti gira. Dapat sa 40,000 Israilita unman una di usa ti may imaw panangga ngatay bangkaw.

1 Samwil 18:1

Pagka natapus ti harampangan nida ni Saul ni Dabid, daka gid kay magbaya ni Hunatan sa kay tagipusuun sa kan Dabid. Pagmahalun gid ni Hunatan si Dabid parihu sa kay sadili.

1 Samwil 18:3

Nagbuwat kasunduan si Hunatan sa kan Dabid kuntay mag-ampud sida hanggan aban dahil mahal niya si Dabid parihu sa kay pagmahal sa kay sadili.

1 Samwil 20:17

Ag ipinataratu maan ni Hunatan si Dabid sa kay pagmahal sa kanya, dahil pagmahalun gid niya si Dabid parihu sa kay pagmahal sa kay sadili.