Diyuturunumiyu 13:3 - Hanunuu

³ danga kamu magpatingi sa kanya. Pagsubukan lang kamu Panginuun niyu Diyus nu ungud pagmahalun niyu siya buu niyu tagipusuun ag karadwa.

Diyuturunumiyu 13:3 Iomraidhean Croise

1 Hari 13:19

Kinmuyug ngani sa kanya ti suruguun Diyus, nangaun ag nanginum siya ati.

Kanta 119:2

Mapalad ti manga tawu magsunud sa manga kasuguan Diyus, magsunud sa kanya sa kanda buu tagipusuun.

Kanta 66:10

Diyus, sa ungud pagsubukan nimu kami; linumpiyu nimu kami parihu sa pilak ipinalakaw sa apuy.

Kanta 81:7

Katpung asan kamu sa kakurian nandangup kamu sa kangku ag irinibri niku kamu. Ginan sa manga rurum sinagut niku kamu. Sinubukan niku kamu ati sa may bulbugan Miriba.

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

1 Kurintu 11:19

Siguru pihu balaw parihu kamu tanan sa kanyu pagsarig, hampay burayhaw ngap sa kanyu ti manga ungud magsarig sa Panginuun.

2 Kurintu 8:8

Balaw kuntay ga pagsuguun niku kamu. Kang lang pagsabihun sa kanyu ti pagbuwatun awat manga iba hampay masulayan nu naan tugka kanyu pagmahal.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Diyuturunumiyu 6:5

Mahala niyu buu tagipusuun ti Panginuun niyu Diyus, buu karadwa ag buu niyu kabisugan.

Diyuturunumiyu 8:16

Ati sa pangawakawaan, pinakan-an niya kamu mana — usa ka karan-unun balaw nasamitan niyu manga ginurang. Binwat inda Panginuun para kamu pumakumbaba ag para subukun kamu hampay sa uryan bumaliw mayad kanyu kahamtangan.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

2 Tisalunika 2:11

Dahil ngani unman ngap tinanggap nida ti katutuuhanan, nakan pagpahintulutan sida Diyus sa udyi kumilala sida sa tutuu sa pudil.

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Talaghusay 2:22

Gamitun niku inda pag manga nasakupan hampay subukan ti manga Israilita nu ungud tupadun nida kang manga sugu, parihu sa kanda manga ginurang.”

1 Samwil 26:19

Mahal Hari, patingihi nimu kang sabihun. Nu ti Panginuun ti nag-udyuk sa kanyu hampay matyun aku, tanggapun mana niya kang handug para sa kapatawadan. Dapat nu ginan lang inda sa tawu, saadan mana sida Panginuun. Dahil pinalayas nida aku sa magkaapu Panginuun pag daga ag sinabihan pagsamba sa iba ka diyus.