Diyuturunumiyu 13:17 - Hanunuu

¹⁷ Danga gid niyu pagtaguan ti una hintay pag manga bagay siyun ti itinagka yi wasakun lubus. Nu tupadun niyu inda tanan, duraun Panginuun kay masyadu pag pangagalit, ag kaawaan niya kamu. Ag sa kay pangaawa, payamuun niya kamu angay sa kay itinaratu sa kanyu manga ginurang.

Diyuturunumiyu 13:17 Iomraidhean Croise

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Kanta 78:38

Dapat una katida, maawaun di ti Diyus sa kanda. Pinatawad niya kanda manga kasalanan ag unman niya sida ipinadamhak. Mayamu bisis niya pinigil kay galit una masyadu yi gid kay pangagalit.

Kanta 85:3

Dinura nimu kanmu masyadu pag pangagalit sa kanmi.

Pag-ighit 20:6

Dapat pag-ipakakit niku kang pagmahal sa mayamu gid pag sinulput magmahal sa kangku ag magsunud sa manga sugu niku.

Pag-ighit 32:12

Unu yi lang duy ti sabihun manga Ihipsiyu? Bin-ul nimu kanmu nasakupan sa Ihiptu hampay matyun sa kabantudan agud madura sida sa kalibutan? Duy Panginuun danga pag patarusan kanmu masyadu pag-isug sa kanda, ag danga sida pagmatya.

Karukuan 3:32

Dapat una magpakaun siya kakurian, pag-ipakakit di maan niya kay pangaawa dahil sa kay daka pagmahal unman may katugkaan.

Isikil 37:26

Mamuwat aku usa ka kasunduan sa kanda kuntay bumaliw mayad kanda kahamtangan ag inda pag kasunduan pumarargu tugka aban. Pauliun niku sida sa kanda daga ag payamuun niku sida, bag-u ipatindug niku kang Balay Diyus sa kanda karaw-an sa unman may katapusan.

Husyas 11:9

Balaw yi ipalakaw niku kang masyadu pag pangagalit; balaw yi dautun niku ti Israil, dahil Diyus aku balaw tawu. Aku ti Banal pag Diyus kanyu kaibahan, balaw aku umasan sa kanyu may galit.

Bilang 25:4

Magkun ti Panginuun sa kan Muysis, “Bul-a ti tanan takinan sa tunda pag manga tawu, ag matya sida sa kang atubangan sa paghilingan manga tawu, hampay madura kang masyadu pag pangagalit sa Israil.”

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

Diyuturunumiyu 13:18

Tupadun inda Panginuun niyu Diyus nu sundun niyu ti tanan niku pag-ipakaun sa kanyu pag sugu kainda, ag nu bumuwat kamu matadlung sa kay magbantay.

Diyuturunumiyu 30:3

kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 30:5

ag pabalikun sa daga magkaapu niyu manga ginurang, ag maapu maan niyu inda. Paunladun ag payamuun waya gid niya kamu kaysa kanyu manga ginurang.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 22:20

Nalimtan yi aw lugud niyu si Akan kay anak ni Sira? Katpung linabag niya ti sugu tungkul sa manga bagay ihinandug buu sa Panginuun, pinarusahan siya ag kay buu nasakupan Israil. Balaw lang siya ti namatay dahil sa kay kasalanan.”

Huswi 6:18

Danga gid kamu magbuul una hintay pag bagay ihinandug yi sa Panginuun. Nu mamuul kamu una hintay, midamhak gid kamu, ag kamu ti bumaliw dahilan nu rumas-ug ti kadamhakan sa Israil.

Huswi 6:24

Sinunug nida ti buu banwa ag ti tanan asan purya lang sa manga binwat ginan sa pilak, gintu, galang, hanggan baul. Pinanbuul nida inda hampay ipauli sa taraguan kayamanan Panginuun.

Huswi 6:26

Tunda pag udas, pinasandaman ni Huswi ti manga Israilita: “Saadan Panginuun ti una si unu ti manhangad pumatindug uman sa inda pag banwa Hiriku. Mamatayan anak panganay ti pumatindug sa inda pag patakinan batu. Bag-u ti mamuwat manga sabian inda mamatayan kap-usan pag anak.”

Huswi 7:1

Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.

Huswi 7:26

Bag-u tinakbunan nida si Akan manga batu. Asan di inda pag manga batu tugka kainda. Ag ati pag rugar pag-ingarnan Karatagan Akur tugka kainda. Bag-u nadura ti pangagalit Panginuun.

Huswi 8:28

Bag-u ipinasunug ni Huswi ti buu Hay, ag udyi inda maipatindug uman. Tugka kainda unman yi may mag-uli ati.