Diyuturunumiyu 12:6 - Hanunuu

⁶ Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.

Diyuturunumiyu 12:6 Iomraidhean Croise

2 Krunika 31:14

Si Kuri kay anak ni Imna, usa ka Libita, guwardiya sa butlakan sabian Balay Diyus, siya ti piniyaran mag-asikasu sa manga buluntad pag handug sa Diyus. Karampatan niya ti mag-ayaw sa manga manughandug hanggan sa manga Libita manga bagay ihinandug yi sa Panginuun hanggan manga banal pag handug.

2 Krunika 7:12

Usa ka yabi, napakakit ti Panginuun sa kanya ag magkun, “Nadnugan niku kanmu darangin ag pinili niku inda pag Balay Diyus bilang rugar pagpakan-an manga handug.

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Nihimyas 10:36

Darahun diman nimi sa manga manughandug magsirbi sa Balay Diyus nimi Diyus kanmi panganay pag anak lalaki, hanggan ti un-an anak nimi manga baka, karanidu, ag kambing, angay sa nakasurat sa Kasuguan.

Nihimyas 10:39

Ti manga Israilita, hanggan yi ti manga Libita kailangan magdara manga handug tirigu, irinmun ubas, hanggan lana ulibu sa haramnuan nu naan pag nakapauli ti manga kagamitan Balay Diyus hanggan nu naan mag-ulian ti magsirbi pag manga manughandug, ti manga guwardiya manga sabian Balay Diyus, hanggan ti manga manugkanta. Nakan nagtaratu kami balaw nimi pabay-anan ti Balay Diyus nimi Diyus.

Kanta 116:17

Dumayaw aku sa kanmu ag manhandug aku handug bilang pagpasalamat sa kanmu.

Isikil 20:40

Dahil ati sa kang banal pag bantud, sa abwat pag bantud Israil, ti tanan nasakupan Israil sumirbi sa kangku. Ati tanggapun niku kamu ag hilingun pagsagda tuhay-tuhay pag manga handug ag pinakamarinu pag manga pamakaun ag banal pag handug.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Malakyas 3:10

Kainda, subuki niyu aku, ti Panginuun Makamaskihan. Daran-a ti buu ikasampulu niyu atag sa balay haramnuan hampay may karan-unun sa kang Balay. Nu tupadun niyu inda, padaran-an niku kamu uran hanggan pakan-an niku kamu mayamu pag papalad.

Malakyas 3:8

Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Lukas 11:42

“Dapat anung kaawaawa kamu pag manga Parisiyu, dahil kamu magpakaun ikasampulu manga pamanglu sa upi hanggan tanan manga urupiun, dapat kanyu kinalimtan ngap ti katadlungan hanggan ti pagmahal sa Diyus. Kailangan kanyu tupadun ti katadlungan hanggan ti pagmahal sa Diyus, dapat danga waydi paglimti ti manga ikasampulu, pagpakaun di.

Lukas 18:12

Kada usa ka sulud duminggu kadwa ginan aku unman maghandum karan-unun. Magpakaun aku ikasampulu tanan niku mag-akitan.’

Diyuturunumiyu 12:17

Kailangan danga diman niyu pagkan-a sa kanyu manga banwa inda pag manga magkasunud-sunud: ti ikasampulu niyu ani, ti irinmun ubas ag lana ulibu, ti anak panganay niyu manga hayup, una hintay ti itinaratu ihandug hanggan manga pamakaun, hanggan ti buluntad niyu pag manga handug.

Diyuturunumiyu 26:2

ipauli niyu ti un-an pag bahagi niyu naani sa tabigun. Bag-u darahun niyu inda sa piliun Panginuun niyu Diyus pag rugar nu naan siya pagdayawun.

Huswi 22:27

nu unman para bumaliw tanda sa kanmi, sa kanyu, ag para sa kanta manga lahi kuntay pagsambahun nimi ti Panginuun sa panab-anan manga handug pagsunugun, manga handug para sa mayad pag pakiusa sa Panginuun, ag iba waya pag manga handug ati sa kay Turda. Nakan unman makasabi kanyu manga laki aban sa uryan sa kanmi manga lahi kuntay unman sida may labut sa Panginuun.

1 Samwil 1:21

Rinmas-ug maan ti udas si Ilkana hanggan kay buu magtal-anakan manhandug sa Panginuun ga kaybi diman ga kanda pagbuwatun kada timpu. Inda diman ti udas manhandug siya bilang pagtupad sa kay taratu sa Panginuun.

1 Samwil 1:24

Pagka nagbul-iw sa pagsusu ti lapsag, dinara siya ni Hana sa Turda Taragbuan Panginuun ati sa Silu. Nandara diman siya tulu ka timpu tudu baka, tunga saku arina ag intus masukadan sa paknul.