Diyuturunumiyu 12:5 - Hanunuu

⁵ bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.

Diyuturunumiyu 12:5 Iomraidhean Croise

1 Hari 12:27

nu parargu ti manga tawu mag-atag sa Hirusalim para manhandug ati sa Balay Diyus Panginuun. Mahimu mibuyu maan kanda sadili sa kan Hari Rihubuam taga Huda. Ag nu mangyari tunda, matyun nida aku ag bumalik sida sa kan Rihubuam.”

1 Hari 14:21

Si Rihubuam kay anak ni Sulumun, ti hari sa Huda. 41 ka timpu kay idad pagka naghari siya. Naghari siya sa sulud sampulu may pitu ka timpu sa Hirusalim, ti banwa pinili Panginuun sa tanan linahi Israil, nu naan siya pagdayawun. Kay ina ni Rihubuam si Naama, taga Amun.

1 Hari 8:16

‘Ginan sa panahun ipinalwas niku kang nasakupan manga Israilita sa Ihiptu, unman aku nagpili banwa sa una naan pag linahi Israil hampay patindugan Balay Diyus para sa kang kadayawan. Dapat, pinili niku si Dabid hampay mamahala sa manga nasakupan niku Israilita.’

1 Hari 8:20

“Tinupad Panginuun kay itinaratu. Aku ti nag-ublus sa kang ama sa kan Dabid bilang hari Israil, angay sa itinaratu Panginuun. Ag ipinatindug niku ti Balay Diyus para sa kadayawan Panginuun, ti Diyus Israil.

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

1 Hari 8:29

Alagai mana nimu inda pag Balay Diyus sirang yabi, inda pag rugar magkun kawu sitay pagdayawun. Mana patingihan nimu aku kanmu suruguun sa kang magdarangin maatubangan sa inda pag rugar.

2 Hari 18:22

Dapat barang sumabi kamu sa kangku magsarig kamu sa Panginuun niyu Diyus. Dapat unman aw kawu diman, Isikyas, ti nagpadaut manga simbahan sa abwat pag manga rugar hanggan ti manga harandugan, ag sinabihan nimu ti manga taga Huda hanggan taga Hirusalim kailangan magsamba sida sa usa lang ka harandugan ati sa Hirusalim?’

1 Krunika 22:1

Bag-u magkun si Dabid, “Sitay yi pag rugar pag ipauli ti Balay Diyus Panginuun ag ti harandugan manga handug surunugun Israil.”

2 Krunika 7:12

Usa ka yabi, napakakit ti Panginuun sa kanya ag magkun, “Nadnugan niku kanmu darangin ag pinili niku inda pag Balay Diyus bilang rugar pagpakan-an manga handug.

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Isra 6:12

Mana ti Diyus ti nagpili sa Hirusalim bilang rugar nu naan siya pag dayawun, imaw ti pumarusa sa una si unu pag hari ngatay nasyun ti lumabag sa inda pag sugu ag mandaut sa inda pag Balay Diyus Hirusalim. “Aku, si Daryu, ti may sugu inda. Kailangan gid sundun inda.”

Isra 7:17

Siguraduhun nimu inda pag kuwarta gamitun sa pagbili sa tudu manga baka, tudu manga karanidu, hanggan anak karanidu lalaki, manga uyas, ag intus, ihandug sa harandugan sa Balay niyu Diyus sa Hirusalim.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Kanta 78:68

Bagkus ngap, pinili niya ti lahi ni Huda hanggan ti Bantud Siun kay pagmahalun.

Pag-ighit 15:2

Ti Panginuun ti magpakaun sa kangku bisug, ag siya kang pagkantahun. Siya ti nagribri sa kangku. Siya kang Diyus, dayawun niku siya. Siya ti Diyus niku ama, pag-ipaabwat niku siya.

Pag-ighit 20:24

“Pagbuwat kamu daga pag harandugan para sa kangku ag siyun niyu pag ihandug kanyu manga karanidu, manga kambing hanggan manga baka bilang handug pagsunugun ag handug para sa mayad pagpakiusa. Buwata niyu inda sa piliun niku pag rugar nu naan pag sambahun aku, umasan aku ag papaladan niku kamu.

Pag-ighit 25:22

Pumasampak aku sa kanmu ati sa karaw-an duwa ka kirubin ati sa babaw Kaban, ag ipakaun niku sa kanmu ti tanan sugu para sa nasakupan Israil.

Hirimyas 7:12

“ ‘Pag-ati kamu sa Silu, ti un-an pag rugar kang pinili hampay sambahun aku, ag bantayan niyu nu hintay kang binwat sa ati pag rugar dahil sa binwat kadautan niku nasakupan Israil.

Hirimyas 7:14

Nakan nu hintay kang binwat sa Silu buwatun diman niku sa inda pag Balay Diyus, kang pinili hampay sambahun aku, ti pagsarigan niyu pag Balay Diyus kang ipinakaun sa kanyu hanggan sa kanyu manga ginurang.

Libitiku 17:4

ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Bilang 7:89

Nu magsulud si Muysis sa Turda Taragbuan para manhampang sa Panginuun, mag-adnugan niya ti busis maghampang sa kanya ginan sa karaw-an duwa ka kirubin, sa babaw taklub Kaban Kasunduan, ti Ulian Pangaawa. Ati pag maghampang ti Panginuun sa kan Muysis.

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:13

Danga gid pagsagdahan kanyu manga handug pagsunugun sa una naan pag rugar kanyu gustu.

Diyuturunumiyu 12:18

Kan-un lang niyu inda sa atubangan Panginuun niyu Diyus ati sa rugar kay piliun kaibahan kanyu manga anak, manga panawuhun, ag manga Libita mag-uli sa kanyu manga banwa. Magbarayaan kamu ati sa atubangan Panginuun niyu Diyus sa tanan niyu buruwatun.

Diyuturunumiyu 12:4

“Danga niyu pagsambaha ti Panginuun niyu Diyus parihu sa kanda palakaw pagsamba,

Diyuturunumiyu 14:23

Daraha niyu ti ikasampulu pag bahagi tirigu, irinmun ubas, lana ulibu, hanggan ti panganay niyu manga hayup sa piliun Panginuun niyu Diyus pag rugar nu naan pag dayawun siya. Bag-u ati niyu pag kan-a sa kay atubangan. Buwatun niyu inda hampay maanad kamu magsunud pirmi sa Panginuun niyu Diyus.

Diyuturunumiyu 14:24

Dapat nu arayu sa kanyu tunda pag rugar ti piliun Panginuun, ag magkakurian kamu magdara manga ikasampulu manga papalad Panginuun niyu Diyus,

Diyuturunumiyu 15:20

Bagkus ngap, kan-un niyu inda hanggan nimu magtal-anakan sa atubangan Panginuun niyu Diyus sa kay piliun pag rugar. Imaw inda kanyu buwatun kada timpu.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:15

Sa sulud pitu ka sirang pag-alalahanun niyu inda pag Pista pagdayaw sa Panginuun niyu Diyus sa rugar kay piliun. Dahil papaladan Panginuun niyu Diyus ti tanan niyu ani hanggan ti tanan niyu pagbuwatun, ag paglubus gid kanyu kabayaan.

Diyuturunumiyu 16:2

Paghandug kamu karanidu ngatay baka bilang pag-alaala sa Pista Pag-alaala sa Karibrihan. Ihandug niyu inda para sa Panginuun niyu Diyus ati sa kay piliun pag rugar nu naan pagdayawun siya.

Diyuturunumiyu 16:6

nu unman sa piliun lang niya pag rugar nu naan pagdayawun siya. Kailangan ihandug niyu inda sa pagsangday init, ti udas niyu pag-ighit ginan sa Ihiptu.

Diyuturunumiyu 16:7

Tamaa niyu inda ag kan-un sa daga piliun Panginuun niyu Diyus. Sa magkasurip, pagbalik kamu sa kanyu turda.

Diyuturunumiyu 17:8

“Halimbawa may manga kasaba sa kanyu hurusayan tungkul sa nanmatay, pag-arawayan ngatay sinaktan masyadu makuri pasyahan. Ti buwatun niyu, darahun niyu tunda pag kasaba sa rugar piliun Panginuun niyu Diyus

Diyuturunumiyu 18:6

“Una si unu pag Libita ti mag-uli una naan pag banwa sa Israil mahimu di makaatag sa daga piliun Panginuun,

Diyuturunumiyu 26:2

ipauli niyu ti un-an pag bahagi niyu naani sa tabigun. Bag-u darahun niyu inda sa piliun Panginuun niyu Diyus pag rugar nu naan siya pagdayawun.

Diyuturunumiyu 31:11

basaha niyu inda pag manga sugu sa tanan Israilita nu magtiripun sida sa atubangan Panginuun niyu Diyus sa piliun niya pag rugar.

Kulusas 2:9

Dahil pagka nabilug tawu si Kiristu, sa kanya diman ti kalubusan Diyus.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Huswi 18:1

Pagka natapus masakup manga Israilita tunda pag daga, naniripnan sida tanan sa Silu, bag-u namatindug Turda Taragbuan.

Huswi 22:11

Taynguna, nabaritaan iba manga Israilita nagpatindug harandugan arani sa Sapa Hurdan sa dipay Israilita, sa katugkaan Kanaan sa Gililut, ti lahi nida ni Rubin, ni Gad, ag katunga lahi ni Manasis. Nakan nagtipun sida sa Silu hampay mansalakay laban sa kanda.

Huswi 9:27

Dapat binwat niya sida manughanap kayu ag manugtaas danum para sa kadamlan ag sa harandugan Panginuun. Tugka kainda pagbuwatun nida inda pag buruwatun sa rugar pinili Panginuun nu naan siya pag sambahun.

Ipinakakit 14:1

Bag-u nakitan niku ati ti Anak Karanidu nakatindug sa bantud Siun. Kaibahan niya ti usa ka gatus may upatpulu may upat ka libu ka tawu. Nakasurat sa kanda manga bangas ti ngaran Anak Karanidu hanggan ti ngaran niya Ama.