Diyuturunumiyu 12:30 - Hanunuu

³⁰ pagdahan kamu hampay balaw kamu masduk sa panab-anan pagsunud sa kanda. Danga kamu mag-usisa tungkul sa kanda manga diyus. Danga kamu magsabi, ‘Kabitay sida magsirbi sa kanda manga diyus? Sundun diman waydi nita kanda pagbuwatun.’

Diyuturunumiyu 12:30 Iomraidhean Croise

2 Hari 16:10

Bag-u nag-atag si Hari Akas sa Damasku agud pasampak sa kan Hari Tiglat Pilisir taga Asirya. Pagka ati siya, may nakitan siya harandugan. Nakan pinadaran-an niya ti manughandug si Uryas huruwadan harandugan dara ti patigayun.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

Pag-ighit 23:24

Danga kamu magsamba ngatay magsirbi sa manga diyus-diyusan nida, ngatay huwadun ti manga pagbuwatun nida. Runuta niyu lubus kanda manga diyus-diyusan, ag gubaa ti manga aramirawan pag batu nida.

Hirimyas 10:2

Pagsabihun niya, “Danga niyu paghuwada ti pag-ugaliun iba nasyun. Maghanap sida manga tanda mag-akitan sa langit. Dapat magkadala sida sa tunda pag manga tanda kanda mag-akitan. Danga niyu inda paghuwada.

Isikil 11:12

Bag-u maalaman niyu aku ti Panginuun. Buwatun niku inda dahil balaw kamu nagsunud sa kang manga sugu ag manga surundanun. Kanyu sinunud ti manga surundanun manga nasyun sa kalibut niyu.”

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Isikil 20:32

“ ‘Balaw gid mangyari kanyu pag-isipun nasakupan bumaliw parihu sa iba manga nasyun kanda nasakupan magsamba sa manga diyus-diyusan buwat sa batu ag kayu.

Libitiku 18:3

Danga niyu paghuwada ti manga pagbuwatun manga tawu taga Ihiptu nu naan pag nangulian kamu kaybi, hanggan ti manga pagbuwatun manga taga Kanaan nu naan niku kamu pag darahun.

Libitiku 18:30

Nakan tupada niyu ti pag-isugu niku sa kanyu ag danga niyu paghuwada ti manga mayagting pag manga buruwatun manga tawu un-an man sa kanyu, hampay balaw niyu mayagtingan kanyu sadili dahil siyun. Aku ti Panginuun kanyu Diyus.

Bilang 33:52

paighita nida ti tanan manga mag-uli ati bag-u dauta ti tanan-tanan nida manga diyus-diyusan binwat ginan sa manga batu, mital, hanggan ti tanan-tanan nida manga simbahan sa abwat pag manga rugar.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Diyuturunumiyu 11:16

“Pag-aman gid kamu barang matuksu kamu pumatlikud sa Diyus ag mansamba sa iba pag manga diyus ag sumirbi sa kanda.

Diyuturunumiyu 12:29

“Nu ipadamhak yi Panginuun niyu Diyus ti salakayun niyu pag manga nasyun, palayasun niyu ti manga mag-ulian siyun ag agawun kanda rugar,

Diyuturunumiyu 12:31

Danga gid niyu pagbuwata inda sa kanyu magsamba sa Panginuun niyu Diyus, dahil sa kanda magsamba pagbuwatun nida ti tanan daut pag manga bagay pagkagalitan Panginuun. Pagsunugun diman nida kanda manga anak bilang handug sa kanda manga diyus.

Diyuturunumiyu 18:9

“Nu makaslud yi ngani kamu sa daga pag-ipakaun sa kanyu Panginuun niyu Diyus, danga niyu pagbuwata ti pinakadaut pag manga ulugaliun manga mag-uli ati.

Diyuturunumiyu 20:18

Dahil nu unman, tudluan nida kamu sa tanan mayagting pag manga buruwatun kanda pagbuwatun sa kanda pagsamba sa kanda manga diyus, ag dahil siyun magkasala kamu sa Panginuun niyu Diyus.

Diyuturunumiyu 7:16

Kailangan matyun niyu ti tanan pag tawu ipinahintulut Panginuun niyu Diyus sa kanyu. Danga niyu sida pag kaawai, ag danga kamu sumirbi sa kanda manga diyus, dahil bumaliw suduk inda para sa kanyu.