Diyuturunumiyu 12:25 - Hanunuu

²⁵ Danga gid niyu inda pagkan-a hampay mayad kanyu kahamtangan hanggan kanyu manga lahi, dahil ti pag-aman sa magkaun dugu mayad sa magbantay Panginuun.

Diyuturunumiyu 12:25 Iomraidhean Croise

1 Hari 11:38

Nu tupadun nimu ti tanan isugu niku sa kanmu ag sumunud kawu sa kang manga paanyu, hanggan nu bumuwat kawu mayad sa kang pamantay sa panab-anan pagtupad sa kang manga surundanun ag manga sugu parihu sa binwat ni Dabid kang suruguun, mangiba aku sa kanmu. Pumirmaminti sa paghari kanmu manga linahi parihu sa manga linahi ni Dabid. Maapu nimu ti Israil.

Kanta 112:2

Bumaliw marapanalu kay manga anak, dahil ti manga linahi manga tawu magkabuhi sa matadlung papaladan gid Diyus.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Isikil 33:25

Sabihi nimu aku, ti Panginuun Diyus magkun: ‘Kanyu aw isip kamu ti umapu tunda pag daga una magkaun kamu taguban may dugu waya, ag magsamba sa kanyu manga diyus-diyusan, bag-u magpanmatay tawu?

Diyuturunumiyu 12:24

Bagkus ngap, uyanga niyu ti dugu sa daga parihu ga danum.

Diyuturunumiyu 12:28

Sunda gid niyu inda tanan pag surundanun ti pag-ipakaun niku sa kanyu, hampay pirmi mayad kanyu kahamtangan hanggan kanyu manga lahi tugka aban, dahil ti pagtupad inda mayad ag tama sa magbantay Panginuun niyu Diyus.

Diyuturunumiyu 13:18

Tupadun inda Panginuun niyu Diyus nu sundun niyu ti tanan niku pag-ipakaun sa kanyu pag sugu kainda, ag nu bumuwat kamu matadlung sa kay magbantay.

Diyuturunumiyu 21:9

Sa panab-anan pagsunud, balaw kamu suktun Panginuun sa pagmatay, dahil nakitan niya matadlung kamu.

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:18

Buwata niyu ti tama ag ti mayad sa magbantay Panginuun hampay bumaliw mayad kanyu kahamtangan ag maapu niyu ti mayad pag daga kay itinaratu sa kanyu manga ginurang.