Diyuturunumiyu 12:2 - Hanunuu

² Nu tabugun yi niyu ti manga mag-ulian ati pag manga tawu, pandauta niyu ti tanan rugar sarambahan nida sa kanda manga diyus-diyusan: sa manga babaw bantud hanggan sa manga tagudtud, ag sa sirung maraybung pag manga kayu.

Diyuturunumiyu 12:2 Iomraidhean Croise

1 Hari 14:23

Nagbuwat diman sida manga simbahan sa abwat pag manga rugar hanggan aramirawan pag manga batu. Nagpatindug sida manga tulduk tanda diyusa si Asira sa kada babaw tagudtud ag sa kada sirung maraybung pag puun kayu.

1 Hari 3:2

Ati katpung kaybi unman waya may Balay Diyus para sa Panginuun, nakan ti manga tawu maghandug sa manga simbahan sa abwat pag manga rugar.

2 Hari 11:18

Nag-ati ti tanan tawu sa balay ni Baal ag dinaut nida inda. Winayak nida ti manga harandugan, ti manga diyus-diyusan nida, ag minatay nida si Matan ti manughandug ni Baal sa atubangan manga harandugan. Namauli si Hihuyada manga guwardiya sa Balay Diyus Panginuun.

2 Hari 16:4

Nagsagda siya manga handug ag nagsunug manga kamangyan sa manga simbahan sa abwat pag rugar, sa babaw manga bantud ag sa sirung kada maraybung pag kayu.

2 Hari 23:13

Ipinadaut diman niya ti manga simbahan sa abwat pag manga rugar sa butlakan Hirusalim ag sa salatan Bantud Kadautan. Inda pag manga simbahan ipinatindug ni Hari Sulumun taga Israil para sa kan Astarut, ti mayagting pag diyusa manga taga Sidun, ag para sa kan Kimus, ti mayagting pag diyus manga taga Muab, ag para diman sa kan Muluk, ti mayagting pag diyus manga taga Amun.

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Pag-ighit 23:24

Danga kamu magsamba ngatay magsirbi sa manga diyus-diyusan nida, ngatay huwadun ti manga pagbuwatun nida. Runuta niyu lubus kanda manga diyus-diyusan, ag gubaa ti manga aramirawan pag batu nida.

Isayas 36:7

Dapat barang sumabi kawu sa kangku magsarig kamu sa Panginuun niyu Diyus. Dapat ay unman aw lugud ipinadaut nimu kay manga simbahan sa abwat pag rugar hanggan kay manga harandugan. Ag sinabihan nimu ti manga taga Huda hanggan taga Hirusalim kailangan sida magsamba sa usa lang ka harandugan?”

Hirimyas 17:2

Una kanyu manga anak magsamba sa manga harandugan niyu hanggan sa manga tulduk tanda diyusa si Asira sa sirung maraybung pag puun kayu ag sa manga babaw tagudtud.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Husyas 4:13

Magsagda kamu ag magtuub manga kamangyan sa katayungtungan manga bantud hanggan tagudtud, ag sa manga sirung arabwat, sa maraybung pag manga kayu dahil mayad parasirngan. Nakan kanyu manga anak daraga mag-ulid sa manga lalaki ag kanyu manga umagad babayi magpanguragin.

Bilang 22:41

Pagkasurip, dinara ni Balak si Balaam sa Bamut Baal, ag ati nakitan niya sa lawud ti iba ka nasakupan Israil.

Diyuturunumiyu 7:5

Bagkus ngap, kaindaay kanyu buwatun: Pandauta niyu kanda manga harandugan, runuta kanda aramirawan pag manga batu, pamulda kanda manga tulduk tanda diyusa si Asira, ag sunuga kanda manga diyus-diyusan.

Talaghusay 2:2

Sinabi diman niku danga kamu magbuwat kasunduan sa manga taga ati bagkus ngap gubaa niyu kanda manga harandugan. Dapat malu unu kanyu binwat? Unman niyu aku sinunud!